პავლე სანაკოევი

დაბადების ადგილი: სოფელი ჯავა, ტფილისის გუბერნიის გორის მაზრა.

სწავლობდა სამრევლო სკოლაში; დაამთავრა არდონის სასულიერო სემინარია 1902 წელს.

1921-1922წწ. იყო სოფელ პონას მღვდელი, მასწავლებელი; 1922-1925წწ. სოფელ განათლების მასწავლებელი; 1925-1930წწ. მუშაობს სტალინირის (ცხინვალი) განათლების კომისარიატის სტამბაში; 1930-1937წწ. სამხრეთ ოსეთის სახელგამის უფროს კორექტორად; 1937-1941წწ. ლიტერატურული რედაქტორი; 1941-1947წწ. იყო სამხრეთ ოსეთის მხარეთმცოდნეობის მუზეუმის დირექტორი, სტალინირი (ცხინვალი); 1947 წლიდან სამხრეთ ოსეთის სამეცნიერო - საკვლევი ინსტიტუტის მეცნიერ-მუშაკი (სტალინირი). ლიტერატურული მოღვაწეობა დაიწყო 1927 წელს; ოსურ ენაზე თარგმნიდა მხატვრულ ლიტერატურას, ადგენდა სახელმძღვანელოებს, აგროვებდა ფოლკლორულ მასალებს. მისი მთავარი ნაწარმოებებია: კ. ლორთქიფანიძის "ძირს სიმინდის რესპუბლიკა" (მთარგმნელი), ა. პუშკინის "გლეხის ქალიშვილი", "სადგურის ზედამხედველი", "კაპიტანის ქალიშვილი" (მთარგმნელი), მ. გორკის "ეგზეკუცია" (მთარგმნელი) და სხვა.

წყარო: მწერალთა ავტობიოგრაფიები. წ. 1/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.368-372

• საქართველოს საბჭოთა მწერლების კავშირი, წევრი (1945-)

• ქართულ-ოსური ლექსიკონი (შემდგენელი). - სტალინირი, სამხრ. ოსეთის სახელგამი, 1955. - 484გვ.
• დედა ენა : პირველი კლასის სასწ. წიგნი. (ავტორი) // ნაწ. 1. - სტალინირი, სამხრეთ ოსეთის სახელგამი, 1938. - 84გვ.