თამაზ დარჩიძე

დაბადების ადგილი: ციხისძირი, ქობულეთის მუნიციპალიტეტი. 

დაამთავრა ბათუმის შოთა რუსთაველის სახელმწიფო უნივერსიტეტი ისტორიის სპეციალობით 2008 წელს; 2008-2010 წლებში სწავლობდა ამავე უნივერსიტეტის ჰუმანიტარულ მეცნიერებათა ფაკულტეტის მაგისტრატურაში; 2023 წელს დაიცვა სადოქტორო დისერტაცია და მიენიჭა არქეოლოგიის დოქტორის აკადემიური ხარისხი.

უნივერსიტეტში სწავლის პარალელურად აქტიურად იყო ჩართული საუნივერსიტეტო ცხოვრებაში: 2006-2007 წლებში თამაზ დარჩიძე იყო ბათუმის შოთა რუსთაველის სახელმწიფო უნიბერსიტეტის სტუდენტთა სამეცნიერო საზოგადოების თავმჯდომარე, 2008 წელს სტუდენტური თვითმმართველობის თავმჯდომარე, 2009-2010 წლებში კი სტუდენტთა სამეცნიერო ცენტრის ხელმძღვანელი; აქტიურად იყო ჩართული სტუდენტთა სამეცნიერო აქტივობებში: 2006-2010 წლებში მონაწილეობდა საქართველო-ბრიტანეთის ფიჭვნარის არქეოლოგიური ექსპედიციის მუშაობაში და მიზნობრივ გასვლებში ტაო-კლარჯეთსა და ფერეიდანში; სტუდენტურ წლებში მას გამოქვეყნებული აქვს რამდენიმე სამეცნიერო პუბლიკაცია; 2011 წლიდან მუშაობას იწყებს საჯარო სამსახურში; თავდაპირველად ქალაქ ბათუმის მერიის განათლების, კულტურის, ტურიზმისა და სპორტის სამსახურის ახალგაზრდობის საქმეთა განყოფილების უფროსის პოზიციაზე დაინიშნა, ხოლო 2012 წელს  - განათლების, კულტურისა და ტურიზმის განყოფილების უფროსია; 2012 წელს ქალაქ ბათუმის საკრებულოს მიერ დაინიშნა ბათუმის ბოტანიკური ბაღის დირექტორად; პარალელურად, 2011-2015 წლებში აგრძელებდა მეცნიერ-თანამშრომლად მუშაობას ბათუმის არქეოლოგიის მუზეუმში და ასევე ეწეოდა პედაგოგიურ საქმიანობას: 2009-2010 წლებში იგი მუშაობდა ისტორიის მასწავლებლად სკოლა "იმედში", ხოლო 2011-2015 წლებში იყო ბათუმის სახელმწიფო უნივერსიტეტის ტურიზმის ფაკულტეტის მოწვეული მასწავლებელი; 2015 წლიდან დაინიშნა საქართველოს ეროვნული ბოტანიკური ბაღის დირექტორის თანამდებობაზე, სადაც იგი 2021 წლამდე მუშაობდა; 2015-2021 წლებში იყო რამდენიმე ინტერდისციპლინური საერთაშორისო კვლევითი პროექტის კოორდინატორი და მონაწილე; 2021-2023 წლებში მუშაობდა საქართველოს განათლებისა და მეცნიერების სამინისტროს უმაღლესი განათლების განვითარების დეპარტამენტში; გამოქვეყნებული აქვს 10-მდე სამეცნიერო სტატია, მიღებული აქვს მონაწილეობა სხვადასხვა საერთაშორისო და ადგილობრივ სამეცნიერო კონფერენციაში კონგრესსა თუ სიმპოზიუმში. იგი არის ა(ა)იპ კავკასიის ინტერდისციპლინური და ინოვაციური კვლევების ცენტრის ერთ-ერთი დამფუძნებელი.

• ამერიკის არქეოლოგთა ასოციაცია, წევრი (2023-)
• მსოფლიო არქეოლოგიური კონგრესი, წევრი (2020-)

• 2022 - საქართველოს ეროვნული პრემია
  მონოგრაფიისთვის "საქართველოს აგრარული კულტურა", რომელშიც მან დაამუშავა საქართველოს ტერიტორიაზე ადრესამიწადმოქმედო კულტურებთან დაკავშირებული არქეოლოგიური მონაცემები
• 2021 - იაპონიის საგარეო საქმეთა მინისტრის საპატიო სიგელი
  იაპონიასა და საქართველოს შორის ურთიერთობათა გაღრმავებაში შეტანილი წვლილისთვის

• The Red-lacquered ceramics of the Late Antique-Pre-Byzantine period Discovered in the Gonio-Apsaros area in 2018-2022 : Journal of Social Sciences, Vol. 8 No. 2 (Author). - თბილისი, international Black Sea University, 2023. - 8
• სასანიანები სამხრეთ-დასავლეთ საქართველოში: პეტრას გარნიზონის აღჭურვილობა და მომარაგება (Co-Author). - ბათუმი, ბათუმის შოთა რუსთაველის სახელმწიფო უნივერსიტეტი, 2023. - 26
• ახ.წ. IV-VII საუკუნეების სამშენებლო კერამიკა სამხრეთ-დასავლეთ საქართველოდან (Author). - თბილისი, საქართველოს მეცნიერებათა აკადემიის სამეცნიერო ჟურნალი მაცნე (ისტორიის, არქეოლოგიის, ეთნილოგიისა და ხელოვნების ისტორიის სერია), №2, 2022. - 19
• საქართველოს აგრარული კულტურა (Co-Author). - თბილისი, საქართველოს მეცნიერებათა ეროვნული აკადემია, 2021