ქრისტეფორე ჯიოევი

დაბადების ადგილი: სოფელი მორგოში, ჯავის რაიონი.

დაამთავრა თბილისის სასულიერო სემინარია და კიევის სასულიერო აკადემია.

ეწეოდა სასულიერო, საგანმანათლებლო და გამომცემლობით მოღვაწეობას. ჯავაში გახსნა სკოლა-პანსიონი. თბილისის გიმნაზიაში იყო მასწავლებელი და სიონის ტაძარში მღვდელი. მე-20 საუკუნის დასაწყისში მისი ხელშეწყობით დაარსდა ოსური გაზეთები თბილისში "ნოგ ცარ" ("ახალი ცხოვრება") და "ფსირ" ("თავთავი"), ხოლო პეტერბურგში "ხური თინ" ("მზის სხივი"). საბჭოთა ხელისუფლების დამყარების შემდეგ სასულიერო მოღვაწეობა ვეღარ გააგრძელა და საერო ცხოვრებაში იღებდა უფრო აქტიურ მონაწილეობას. მისი მონაწილეობით დაარსდა სამხრეთ ოსეთის სამხარეო მუზეუმი, რომლის პირველი დირექტორი თავად იყო. მან მნიშნელოვანი წვლილი შეიტანა ოსების განათლების, კულტურისა და რელიგიის საკითხში. ოსი საზოგადო, სასულიერო და რელიგიური მოღვაწე, ოსური საგამომცემლო საქმიანობის ხელმძღვანელი. 

წყარო: საერთო ფასეულობები ქართველებსა და ოსებს შორის ნდობის აღსადგენად / პაატა გაჩეჩილაძე, კობა ჩოფლიანი.-თბ.,2022.-გვ.45; გაზეთი "რესპუბლიკა": respublikarso.org