ანრი სამაშვილი

დაბადების ადგილი: ქ. თბილისი.

1946-1951 წლებში სწავლობდა დაამთავრა თბილისის იაკობ ნიკოლაძის სახელობის სამხატვრო სასწავლებელი 1951 წელს; 1951-1957 წლებში თბილისის სამხატვრო აკადემიის დაზგური გრაფიკის ფაკულტეტი 1957 წელს (პედაგოგები იყვნენ: ე. გრიგოლია, ვ. ჯაფარიძე, დ. ქუთათელაძე).

მისი სადიპლომო ნამუშევარია - ლითოგრაფია "ილია ჭავჭავაძე მომრიგებელ მოსამართლედ დუშეთში", ოფორტები და გრაფიკული პეიზაჟები (ხელმძღვანელი - დ. ქუთათელაძე). ძირითადი ნამუშევრებია: ლითოგრაფიების, ოფორტების, ნახატების სერიები; თანამშრომლობდა გამომცემლობებთან: "განათლება", "მერანი", "საბჭოთა საქართველო". გამოფენებში მონაწილეობს 1957 წლიდან, გამოფენები: სამხატვრო გალერეა, წიგნის გრაფიკის, სამრეწველო გრაფიკის (მოსკოვი, რიგა) მუზეუმები. მისი ნამუშევრები დაცულია ქართული ლიტერატურისა და დუშეთის მხარეთმცოდნეობის მუზეუმებში; ქართული ლიმონათების ეტიკეტების შექმნისთვის მიღებული აქვს II პრემია, ქიმიის სახელმძღვანელოს გაფორმებისათვის I პრემია, საკავშირო მასშტაბით ჩატარებულ კონკურსში - ქართული ჩაის, სიგარეტ "კოლხეთის", ღვინის - "ქინძმარაული" ეტიკეტებისა და კოლოფების გაფორმებისათვის II პრემია. საკავშირო კონკურსების, მოსკოვისა და რიგის გამოფენა - სიმპოზიუმების მონაწილე.

წყარო: ვინ ვინაა თანამედროვე ქართულ ხელოვნებაში.- თბ., 2000.- 397გვ.

• საქართველოს მხატვართა კავშირი, წევრი (1968-)