ნიკოლოზ ჯომიდავა

დაბადების ადგილი: სოფელი ჭოღა, ჩხოროწყუს რაიონი.

დაამთავრა ქ. ზუგდიდის ჩაის მეურნეობის ტექნიკუმი 1932 წელს. სწავლა დაიწყო თბილისის სახელმწიფო უნივერსიტეტის ისტორიის ფაკულტეტზე 1938 წელს, რომელიც დაამთავრა 1952 წელს ისტორიის სპეციალობით.

1933-1937წწ. იყო თბილისის ასოთამწყობი და ამავე დროს კარგად დაეუფლა ფოტო-საქმეს. 1938 წლის დეკემბერში გაიწვიეს წითელ არმიაში. მსახურობდა ფინეთის საზღვრებზე. 1941 წელს მონაწილეობდა ქერჩის პირველ სადესანტო ოპერაციებში. 1942 წლის გაზაფხულზე ის აქტიურად მონაწილეობდა ყირიმიდან ჯარის ნაწილების ტამანის ნახევარკუნძულზე გემებით გადაყვანაში. 1942 წლიდან მონაწილეობდა კავკასიის დაცვისათვის ბრძოლებში. 1945 წლის ბოლოს იგი დაავადებული დაუბრუნდა მშვიდობიან ცხოვრებას საქართველოში. მუშაობდა გაზეთ "სახალხო განათლების" რედაქციაში ფოტო-კორესპონდენტად. 1953-1967წწ. მუშაობდა ქ. სოხუმში განათლებისა და კულტურის სამინისტროს სისტემაში სხვადასხვა თანამდებობებზე. 1967 წელს დაიცვა საკანდიდატო დისერტაცია. ავტორია რამდენიმე მეცნიერული შრომის, მათ შორის ოთხი მონოგრაფიისა, რომლებიც მიძღვნილია აფხაზი და ქართველი ხალხების მეგობრობისადმი. მიღებული აქვს სახელმწიფო ჯილდოები: ორდენი და 8 მედალი. 

წყარო: ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 152-153

• მედალი "საბრძოლო დამსახურებისთვის"
• მედალი "კავკასიის დაცვისთვის"
• სამამულო ომის II სარისხის ორდენი

• წარმართული ხანის ღვთაებათა კვალი კოლხურ გვარსახელებში (ავტორი). - თბილისი, 2006. - 66გვ.
• ჯომიდავების საგვარეულო ისტორიიდან (ავტორი). - თბილისი, აფხაზეთის მეცნიერებათა აკადემია, 2005. - 76გვ.
• ავტობიოგრაფიული ნარკვევი ანუ გაჯახირებული ცხოვრება (ავტორი). - თბილისი, მოლოდინი, 2004. - 50გვ.
• 3000 მეგრული გვარსახელი (ავტორი) // ტ.3. - თბილისი, 2001. - 364გვ.
• 3000 მეგრული გვარ-სახელი (ავტორი) // 1-2. - თბილისი, 2000. - 512გვ.