თენგიზ სუხაშვილი

დაბადების ადგილი: ქ. თბილისი.

ცეკვა დაიწყო თბილისის პიონერთა და მოსწავლეთა სასახლეში. მისი პირველი პედაგოგი იყო ქორეოგრაფი უ. ამბარდაშვილი; შემდგომ ჩაირიცხა ამავე სასახლის ნორჩ მოცეკვავეთა ნაკრებ ანსამბლში, სადაც ქორეოგრაფ რ. ჭოხონელიძის ხელმძღვანელობით დაიხვეწა მისი საშემსრულებლო ოსტატობა; 1966 წლიდან გამოდიოდა თბილისის სახელმწიფო უნივერსიტეტის ხალხური ცეკვის თვითმოქმედ ანსამბლში და აქვე გახდა მხატვრული თვითმოქმედების რესპუბლიკური ოლიმპიადის ლაურიატი; 1966 წლიდან იწყებს პედაგოგიურ მოღვაწეობას; ჯერ მუშაობდა თბილისის ი. ჭავჭავაძის სახელობის კულტურის სახლში, 1971 წლიდან კი პიონერთა და მოსწავლეთა სასახლის პედაგოგ-ქორეოგრაფად; თ. სუხაშვილი წლების განმავლობაში ხელმძღვანელობდა ქორეოგრაფიულ ანსამბლ "სიხარულს". ანსამბლი გამოდიოდა რესპუბლიკურ თუ საერთაშორისო კონკურსებსა და ფესტივალებზე და არაერთი ჯილდოს მფლობელი და ლაურიატია. საქართველოს ქორეოგრაფთა კავშირმა 2024 წლის 3 მაისს ქართულ ქორეოგრაფიაში შეტანილი წვლილის აღსანიშნავად თ. სუხაშვილს ვარსკვლავი გაუხსნა.

წყარო: საიუბილეო თარიღები :თეატრი, მუსიკა, კინო.- თბ., 2008.- გვ.31; ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.114-115

• 1981 - საქართველოს დამსახურებული არტისტი
• ქართული კულტურის ამაგდარის წოდება
• ღირსების ორდენი