თედორე ლობჯანიძე

დაბადების ადგილი: სოფელი ღები, ახლანდელი ონის მუნიციპალიტეტი.

დაამთავრა ამიერკავკასიის 26 ბაქოელი კომისრის სახელობის კომუნისტური უნივერსიტეტი 1933 წელს.

1933-1946 წლებში მუშაობდა სხვადასხვა თანამდებობაზე. 1946-1950წწ. იყო თსუ-ის პოლიტეკონომიის კათედრის თანამშრომელი, 1968-1973წწ. ეკავა პროფესორის თანამდებობა; 1973 წლიდან ამავე კათედრის კონსულტანტია.
მრავალი სამეცნიერო ნაშრომის ავტორია, რომლებიც ეხება კაპიტალისტურ კვლავწარმოებისა და სოციალიზმის გეგმაზომიერი განვითარების პრობლემებს. 1939-1945წწ. მონაწილეობდა II მსოფლიო ომში. მიღებული აქვს საბრძოლო ჯილდოები. ეკონომიკის მეცნიერებათა დოქტორი (1966), პროფესორი (1970).

წყარო: ქართული ენციკლოპედიის ი. აბაშიძის სახელობის მთავარი სამეცნიერო რედაქცია:  georgianencyclopedia.ge საქართველო: ენციკლოპედია: ტ.5. -თბ.,2023. -გვ.402

• შრომის მიხედვით განაწილება და მატერიალური დაინტერესების პრინციპი კომუნიზმის გაშლილი მშენებლობის პერიოდში (ავტორი). - თბილისი, საბჭოთა საქართველო, 1966. - 73გვ.
• გონებრივ და ფიზიკურ შრომას შორის არსებითი განსხვავების დაძლევის პრობლემა სსრ კავშირში (ავტორი). - თბილისი, საბჭოთა საქართველო, 1959. - 88გვ.
• კაპიტალიზმის საერთო კრიზისის გამწვავება მეორე მსოფლიოს ომის შემდეგ (ავტორი). - თბილისი, 1956. - 40გვ.