მარიკა სამანიშვილი

დაბადების ადგილი: ქ. ქუთაისი.

დაამთავრა შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი 1979 წელს.

1979 წლიდან ქუთაისის თეატრის მსახიობია; მის მიერ შესრულებული როლებიდან აღსანიშნავია: ნანი (გ. ბათიაშვილის  "ვალი"), მარტირიო (ფ. გარსია ლორკას "ბერნარდა ალბას სახლი"), რუქაია (ალ. სუმბათაშვილი "ღალატი"), მონიკა (ფ. დიურენმატის "ფიზიკოსები"), ჟენია (ბ. ვასილიევის "განთიადი კი აქ წყნარია"), ყამარი (შ. შამანაძის "ღია შუშაბანდი"), მაია (აკ. გეწაძის "წმინდანები ჯოჯოხეთში"); ირინკა, მეგი, ნია (ლ. თაბუკაშვილის "შენკენ მავალი გზები", "ათვინიერებენ მიმინოს", "მერე რა, რომ სველია, სველი იასამანი"), რიტა (ნ. ოსტროვსკის "რამდენიმე ეპიზოდი კომუნისტის ცხოვრებიდან"), ვენერა (ე. რაძინსკის "ნერონისა და სენეკას ჟამინდელი თეატრი"), ცეზონია (ა. კ. კამეუს "კალიგულა"), ლამზირა (ო. იოსელიანის "გამოქვაბულში"), მარკიზა (რ. გაბრიაძის "მარშალ დე ფანტიეს ბრილიანტები"), ნუნუ ექიმი, მერი (ნ. დუმბაძის "საბრალდებო დასკვნა", "მე, ბებია, ილიკო და ილარიონი"), ფერნიველი (პ. შეფერის "შავი კომედია"), მარინე (გ. ნახუცრიშვილის "კომბლე"), კესო (ი. ჭავჭავაძის "ოთარაანთ ქვრივი"), მზეთვალა (ლ. გოთუას "დავით აღმაშენებელი") და სხვა; სარდაფის თეატრში განახორციელა ქალი (კაბუ აბეს "ქალი ქვიშაში"); თავისუფალი თეატრის მონოსპექტაკლში - ემილი დიკენსონი (უ. ლიუსის "ამჰერსტის მშვენება"); მ. სამანიშვილი გადაღებულია კიმოფილმებში: "თბილისი და თბილისელები" (გოგონა), სატელევიზიო ფილმში "ჯერ შეიცადეთ" (დეზი), "ჩემი ცოლის დაქალები" (მადონა), "ბამბაზიის სამოთხე" (ელენე).

წყარო: საიუბილეო თარიღები: თეატრი, მუსიკა, კინო.- თბ., 2008.- გვ. 84-85; სა­ინ­ფორ­მა­ციო პორ­ტა­ლი "ამ­ბე­ბი.ge": ambebi.ge

• 2003 - ღირსების ორდენი
• 1990 - საქართველოს დამსახურებული არტისტი
• ვერიკო ანჯაფარიძის სახელობის პრემია