ვახტანგ ინგოროყვა

დაბადების ადგილი: ქ. ბათუმი.

ხალხური ცეკვის ხელოვნებას ბათუმის კულტურის სახლთან არსებულ ქართული ცეკვის ანსამბლში დაეუფლა (ხელმძღვანელი გ. ჩიხლაძე). 1954 წლიდან ის აჭარის სიმღერისა და ცეკვის სახელმწიფო ანსამბლის მოცეკვავე - მსახიობია. 1957 წელს მონაწილეობდა ახალგაზრდობისა და სტუდენტთა VI მსოფლიო ფესტივალში (მოსკოვი). ამავე წელს ვ. ინგოროყვა წარმატებით გამოვიდა თბილისში ჩატარებულ აჭარის ლიტერატურისა და ხელოვნების დეკადაზე, სადაც საცეკვაო კომპოზიციის "ნარინჯიანოს" ორიგინალური და პროფესიული შესრულებისთვის  დიდი მოწონება ხვდა წილად. სახელმწიფო ანსამბლში ხანგრძლივი მუშაობის მანძილზე მისი ხელოვნება არაერთი ჯილდოთი აღინიშნა. არის საკავშირო და რესპუბლიკური ფესტივალების ლაურიატი. ეწეოდა პედაგოგიურ მოღვაწეობასაც, ხელმძღვანელობდა თვითმოქმედ ქორეოგრაფიულ კოლექტივებს ბათუმსა და ქობულეთში. აგრეთვე ოჩხამურის კულტურის სახლთან არსებულ ქალთა ანსამბლ "განდაგანასთან".

წყარო: საიუბილეო თარიღები: თეატრი, მუსიკა, კინო.- თბ., 2008.- გვ.97

• აჭარის ავტონომიური რესპუბლიკის დამსახურებული არტისტი (1960-)
• საქართველოს დამსახურებული არტისტი (1960-)