ლევან ვარდოსანიძე

დაამთავრა თბილისის სახელმწიფო სამხატვრო აკადემიის ქანდაკების ფაკულტეტი 1982 წელს; მოსკოვის სახვითი ხელოვნების აკადემიასთან არსებული ქ. თბილისის შემოქმედებითი სახელოსნო 1986 წელს.

მის მიერ შესრულებულია ნატო ვაჩნაძის, ნიკოლოზ შენგელაიას, სოფიკო ჭიაურელის, გურამ საღარაძის, მიხეილ ჭიაურელის, ვერიკო ანჯაფარიძის, იაკობ ტრიპოლსკის, ზეიკო ბოცვაძის, თემიკო ჩირგაძის მემორიალური დაფები; ასევე პროფესორ აპოლონ ქუთათელაძის, სოფიკო ჭიაურელის, "დიჯეი"-ს, ოთარ მეღვინეთუხუცესის, "ოლიმპიური ალი" – ახალგაზრდული ოლიმპიური ფესტივალის "თბილისი - 2015"- სადმი მიძღვნილი, "ბედნიერება", "თავისუფალი მოქალაქე" ძეგლები; კენვლ კერის მემორიალი, "საქართველოს ოლიმპიურ ჩემპიონთა" მემორიალი; მისი 2000-ზე მეტი ნამუშევარი ინახება მსოფლიოს 25-ზე მეტი ქვეყნის კერძო კოლექციებსა და მუზეუმებში; ქანდაკებები დაცულია საერთაშორისო ოლიმპიურ მუზეუმში, ქ. ლოზანა, შვეიცარია. მიღებული აქვს GNOC-ის ოლიმპიური ორდენი სპორტისა და ოლიმპიური თემატიკისადმი მიძღვნილი ნამუშევრების შექმნისთვის, არის საერთაშორისო ოლიმპიური კონკურსის "სპორტი და ხელოვნება" სამგზის პრიზიორი.

წყარო: პირველი არხი: სცენა: 1tvscena.ge

• კულტურის სამინისტროს ძეგლებისა და მონუმენტების სამხატვრო საექსპერტო საბჭო, წევრი (2000-)