ელენე ქუთათელაძე

დაბადების ადგილი: ქ. თბილისი.

დაამთავრა შოთა რუსთაველის სახელობის სახელმწიფო  თეატრალური ინსტიტუტის სამსახიობო ფაკულტეტი (დ. ალექსიძის ჯგუფი) 1979 წელს.

1979 წლიდან ახმეტელის თეატრის მსახიობია. მის მიერ შესრულებული როლებიდან აღსანიშნავია: წამყვანი (ვს. ვიშნევსკის "ოპტიმისტური ტრაგედია"); დარეჯანი (ო. იოსელიანის "გამოქვაბული"); თამარი (ი. ვაკელის "აპრაკუნე ჭიმჭიმელი"); ჟოზეფინა (ფ. მარსის "ღუზა ჩაუშვი ანგელოზო"), წუნი (გ. ნახუცვრიშვილის "კომბლე"), გულჩინა (ო. მამფორიას "იეთიმ გურჯი"); კრისტერი (ა. ლინდგრენის "კარლსონი"), ნინო (ნ. დუმბაძის "ნუ გეშინია დედა"); ზეინაბი (ალ. სუმბათაშვილის "ღლანტი"); კორესპოდენტი (ო. ბაღათურიას "მეფე ლირი თავშესაფარში"), მეძავი (ჯ. დერიონის, ვ. ვასერმანის "ლამანჩელი") და სხვა. ე. ქუთათელაძემ კინოფილმებში განასახიერა შემდეგი სახეები: ნანე ("ფარნავაზი"); გოგნა ("ფარანი ქარში); მდივინი ("კუკარაჩა"), ნუნუ  ("სასამართლო", ტელეფილმი); ნელი ("უზენაესი სასამართლო", ტელეფილმი). ს. ახმეტელის თეატრში დაარსებიდან ნაყოფიერი შემოქმედებისა და შექმნილი სცენური სახეებისთვის მიღებული აქვს საქართველოს თეატრალური საზოგადოების პრემია (2007).

 წყარო: საიუბილეო თარიღები: თეატრი, მუსიკა, კინო.- თბ., 2008.- გვ.98