ოთარ ქუთათელაძე

დაბადების ადგილი: ქ. გორი.

დაამთავრა შოთა რუსთაველის სახელობის სახელმწიფო თეატრალური ინსტიტუტი. 

პირველი ნაბიჯები გადადგა გორის თეატრში, სადაც ითამაშა გეგას როლი, მ. მრევლიშვილის "ზვავში"; შემდეგ მსახიობობდა რუსთავის თეატრში. მის მიერ განსახიერებული როლებიდან აღსანიშნავია: ვეზირი (გ. ნახუცრიშვილის "ნაცარქექია"), ინჟინერი (ვლ. მაიკოვსკის "აბანო"), გურამი (თ. ჭილაძის "სურათები საოჯახო ალბომიდან"), ზაქრო (ა. შალუტაშვილის "გაუთხოვარი ქვრივი"), დიტო (ო. იოსელიანის "სანამ ურემი გადაბრუნდება"), ლიმონა (ნ. დუმბაძის "თეთრი ბაირაღები"), პედრო (სერვანტესის "დონ კიხოტი") და სხვა. მონაწილეობდა რადიო და ტელეგადაცემებში, პარალერულად იყო რუსთავის კულტურის სახლის სამხატვრო ხელმძღვანელი.

წყარო: საიუბილეო თარიღები: თეატრი, მუსიკა, კინო.- თბ., 2008.- გვ.108; შიდა ქართლი: საინფორმაციო ცენტრი: qartli.ge

• გორის საპატიო მოქალაქე
• კოტე მარჯანიშვილის სახელობის პრემია
• გიორგი ერისთავის სახელობის პრემია
• საქართველოს დამსახურებული არტისტი