მაია ლორთქიფანიძე

დაბადების ადგილი: ქ. თბილისი.

დაამთავრა შოთა რუსთაველის სახელობის სახელმწიფო თეატრალური ინსტიტუტის სარეჟისორო ფაკულტეტი 1980 წელს.

1980-1993წწ. და 2005-2006წწ. მუშაობდა შ. რუსთაველის სახელობის თეატრისა და კინოს სახელმწიფო უნივერსიტეტში რეჟისურის კათედრაზე მსახიობის ოსტატობის პედაგოგად; 1980-1985წწ. იყო საქართველოს ტელე - რადიომაუწყებლობის სახელმწიფო კომიტეტში სატელევიზიო თეატრის რეჟისორი, სადაც დადგა გ. ნახუცრიშვილის "ჭინჭრაქა" და "ამბავი უფლისწულისა"; 1980 წლიდან თოჯინების თეატრის რეჟისორია. მის მიერ დადგმული სპექტაკლებიდან აღსანიშნავია: ე. ჩეპოვეცკის "ბარაქალა მიციკ"; ვ. პალჩინსკაატეს "ფეთხუმები"; მ. აბრამიშვილის "ვარსკვლავი" და "ჯადოსნური ვარდი"; ვ. ცინიბულკის "სათამაშოები"; გ. ჭიჭინაძის "გაგრიას თავგადასავალი"; მ. გონაშვილის "ზამთრის ზღაპარო"; მ. ქარიმის "მამლაყინწას წისქვილი"; რ. სულაქველიძის, კ. ახობაძის "მეფე და ჩიტი"; პ. ანდერსენის "გოგონა ციდა ყვავილების ქვეყნიდან"; თ. სოლოღაშვილის "საახალწლო ზღაპარი"; თ. ვეფხვაძის "ხავსისქუდას ოინები".

წყარო: საიუბილეო თარიღები: თეატრი, მუსიკა, კინო.- თბ., 2008.- გვ.109; თბილისის თოჯინების სახელმწიფო თეატრი: facebook.com