ლიუდმილა არტიომოვა-მღებრიშვილი

დაბადების ადგილი: ქ. სუვოროვი (ტულის ოლქი, რუსეთის ფედერაცია).

დაამთავრა მოსკოვის საკავშირო კინემატოგრაფიის ინსტიტუტი 1970 წელს.

1970 წლიდან გრიბოედოვის თეატრის მსახიობია. მის მიერ შესრულებული როლებიდან აღსანიშნავია: ტანია (ე. კატაევის "ყვავილების გზა"); რძალი (ვ. შუკშინის "თვალსაზრისი"); კლემენტინა (გ. გორინის "დაივიწყეთ ჰეროსტრატი"); ჰერმია (უ. შექსპირის "ზაფხულის ღამის სიზმარი"); დანიელა (მ. ფერმოს "კარებს აჯახუნებენ"); ოლგა (ლ. რაზუმოვსკაიას "დები"); ფრენი (ნ. საიმონის "გასაღები"); ეკატერინა ივანოვნა (ლ. ანდრეევის "ქალი"); შარლოტა, რანევსკაია, შუამავალი (ა. ჩეხოვის "ალუბლის ხე" და "ცხოვრება მშვენიერია"); ვივიან ბუასერი (პ. შენოს "იყავით ჯანმრთელად"); თამარა (ა. კუპერის "ორმო"); ქალბატონი რაკენი (ე. ზოლას "ტერეზა რაკენი"); დედოფალი (ჰ. ანდერსენის "პრინცესა და მეღორე") და სხვ. დაჯილდოებულია პუშკინის სახელობის მედლით.

წყარო: საიუბილეო თარიღები: თეატრი, მუსიკა, კინო.- თბ., 2008.- გვ.122

• 1983 - საქართველოს დამსახურებული არტისტი