ზურაბ ცირამუა

დაბადების ადგილი: ქ. ქუთაისი.

1945 წლიდან მუშაობს ქუთაისის თეატრში ჯერ რეჟისორის თანაშემწედ, მერე კი მსახიობად. შესრულებული აქვს 200-მდე როლი. მათ შორის აღსანიშნავია: ესიკა, დათიელა, მაქაცარია (შ. დადიანის "ნინოშვილის გურია", "ნაპერწკლიდან", "კაკალ გულში"), ზუბკოვი ("ჭიდილი"), ვახუშტი მეფე (გ. ნახუცრიშვილის "ნაცარქექია"), სოსანა (აქ. ცაგარელის "რაც გინახავს, ვეღარ ნახავ"), დანიელი (ფ. შილერის "ყაჩაღები"), გოგიჩა (ი. მოსაშვილის "ჩაძირული ქვები"), გედეონი (ა. პატარაიას "უჩა უჩარდია"), გოგიტა ("ბედნიერების სამჭედლო"), ჩიტო ("ფაქიზი განცდები"), იაკინთე (რ. თაბუკაშვილის "რას იტყვის ხალხი"), ქონდარა (პ. კაკაბაძის "დავით მერვე"), შალვა (ვ. კანდელაკის "პლატონი"), ბებურიშვილი (ნ. დუმბაძის "საბრალდებო დასკვნა") და სხვა. გადაღებულია კინოფილმებში: "ნერგები", "ბაკულას ღორები", "სოფლის აშიკი", "ჩემი მეგობარი ნოდარი", "ჭიაკოკონა" და სხვა.

წყარო: 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.39

• 1980 - საქართველოს დამსახურებული არტისტი