ემილ ავდალიანი

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტი ისტორიის ბაკალავრის ხარისხით 2011 წელს; 2011-2012წწ. სწავლობდა ოქსფორდის უნივერსიტეტში ისტორიის სამაგისტრო პროგრამაზე; დაამთავრა თბილისის სახელმწიფო უნივერსიტეტის ისტორიის სადოქტორო პროგრამა 2016 წელს; სადოქტორო ნაშრომი - "რომი და ბიზანტია ბარბაროსთა მიგრაციის წინააღმდეგ: დუნაის და პონტოს საზღვრების შედარებითი ანალიზი (IV-VII სს.)".
2013-2014წწ. იყო Forbes Georgia-ს თანარედაქტორი; 2015-2020წწ. ქართულ-უკრაინულ ჟურნალ "საქართველოს" აღმასრულებელ რედაქტორად მუშაობდა; იყო საქართველოს უნივერსიტეტისა (2014-2018) და თბილისის სახელმწიფო უნივერსიტეტის (2014-2019) მოწვეული ლექტორი; 2014 წლიდან ილიას სახელმწიფო უნივერსიტეტის მოწვეული ლექტორი; 2019 წლიდან ევროპის უნივერსიტეტის პროფესორია; 2020 წლიდან მუშაობს "ჯეოქეისის" აღმოსავლეთმცოდნეობის მიმართულების დირექტორად; სხვადასხვა დროს მუშაობდა ევრაზიის ანალიტიკოსის პოზიციაზე საერთაშორისო საკონსულტაციო კომპანიებში; რეგულარულად აქვეყნებს სტატიებს ადგილობრივ ქართულ და უცხოურ გამოცემებში (Center for European Policy Analysis, Royal United Services Institute და ა.შ.); ძირითადად მუშაობს სამხრეთ კავკასიასა და ევრაზიაში მიმდინარე პოლიტიკურ და სამხედრო საკითხებზე. იკვლევს ირანის, თურქეთის და ჩინეთის საგარეო პოლიტიკას. 

წყარო: The Caspian Post: web.archive.org; Director of Middle East Studies: web.archive.org; tsu-ge.academia.edu

• საქართველო და აბრეშუმის სავაჭრო გზები (XIII-XIV სს.). (ავტორი) // წიგნი 2. - თბილისი, მერიდიანი, 2022. - 200გვ.. - ISBN: 9789941341441
• მონეტა, როგორც პროპაგანდის საშუალება ქართული ნუმიზმატიკური ძეგლების მიხედვით = Coin as a Means of Propaganda According to Georgian Numismatics (თანაავტორი). - თბილისი, მერიდიანი, 2020. - 80გვ.. - ISBN: 9789941259746
• საქართველო და აბრეშუმის სავაჭრო გზები (VI-XIII სს.) (ავტორი). - თბილისი, მერიდიანი, 2019. - 220გვ.. - ISBN: 9789941256974
• ქართული მეწარმეობის ისტორიიდან : (XIX-XX სს. მიჯნა) (ავტორი). - თბილისი, მერიდიანი, 2018. - 104გვ.. - ISBN: 9789941254550
• რომი, ბიზანტია და საიმპერიო თავდაცვითი სისტემა IV-VII საუკუნეებში (ავტორი). - თბილისი, მერიდიანი, 2017. - 236გვ.. - ISBN: 9789941253201