შალვა ლორთქიფანიძე

დაბადების ადგილი: სოფელი ძეძილეთი, ხონის რაიონი.

დაამთავრა თბილისის შოთა რუსთაველის სახელობის თეატრალური ინსტიტუტის სამსახიობო ფაკულტეტი 1947 წელს.

სხვადასხვა წლებში მუშაობდა: ცხინვალის თეატრში (1947-1948), ავჭალის კულტურის სახლში სამხატვრო ხელმძღვანელად (1949-1950), 1950 წლიდან - თბილისის მოზარდ მაყურებელთა ქართული თეატრის მსახიობი იყო. მის მიერ შესრულებული როლებიდან აღსანიშნავია: გური (გრ. ბერძენიშვილის "მშვიდობის მტრედები"), მდივანი (გ. ნახუცრიშვილის, ბ. გამრეკელის "ლადო კეცხოველი"), ზურაბი (დ. ჭონქაძის "სურამის ციხე". ინსცენირება ს. მთვარაძისა), ბობა (ა. ბოროდინის და ვიდსონის "მესამე კურსის სტუდენტი"), ვალოდია (ვ. როზოვის "მისის მეგობრები") და სხვა.

წყარო: 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.51

• 1965 - საქართველოს დამსახურებული არტისტი