ნუგზარ დურმიშიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი 1975 წელს; საქართველოს ტექნიკური უნივერსიტეტის საერთაშორისო ურთიერთობების ფაკულტეტის მაგისტრატურა1995 წელს; დოქტორანტურა - 2015 წელს.

1975-1977წწ. იყო მ. წინამძღვრიშვილის სახელობის კლინიკური და ექსპერიმენტული კარდიოლოგიის ინსტიტუტის კლინიკური ორდინატორი; 1977-1979წწ. საქართველოს მეცნიერებათა აკადემიის ა. ნათიშვილის სახელობის ექსპერიმენტული მორფოლოგიის ინსტიტუტის უფროსი ლაბორანტი; 1979-1983წწ. ამავე ინსტიტუტის უმცროსი მეცნიერ-თანამშრომელი; 1983-1986წწ. უფროსი მეცნიერ-თანამშრომელი; 1986-1991წწ. კლინიკური იმუნოლოგიის განყოფილების გამგე; 1991 წლიდან სამედიცინო ბიოტექნოლოგიის ინსტიტუტის კლინიკური იმუნოლოგიის განყოფილების გამგე; 1997-2004წწ. საქართველოს საგარეო საქმეთა სამინისტრო, მეორე ევროპული დეპარტამენტი, პირველი მდივანი; 2008-2012წწ. საქართველოს პარლამენტი, ტერიტორიული მთლიანობის აღდგენის დროებითი კომისია, მთავარი სპეციალისტი; 2010-2013წწ. სოხუმის უნივერსიტეტი, საერთაშორისო ურთიერთობების დეპარტამენტი, მოწვეული ლექტორი (საერთაშორისო ურთიერთობები); 2011-2017წწ. ქართულ-ამერიკული უნივერსიტეტი, სამართლისა სკოლა, მოწვეული ლექტორი (საერთაშორისო ურთიერთობები); 2013-2023წწ. თბილისის სახელმწიფო სამედიცინო უნივერსიტეტი, სამკურნალო ფაკულტეტი, მოწვეული ლექტორი (მედიცინის ისტორია); 2015-2017წწ. საქართველოს ტექნიკური უნივერსიტეტი, სამართლისა და საერთაშორისო ურთიერთობების ფაკულტეტი, ლექტორი; 2015-2107წწ. თბილისის საერთაშორისო აკადემია, სამართლისა და საერთაშორისო ურთიერთობების ფაკულტეტი, ასოცირებული პროფესორი. სამეცნიერო ინტერესები: რუსეთის საგარეო პოლიტიკა, კავკასიაში არსებული კონფლიქტები. მონაწილეობს საერთაშორისო კონფერენციებსა და სიმპოზიუმებში. ავტორია 38 სამეცნიერო ნაშრომის. გამოქვეყნებული აქვს მონოგრაფია რუსულ ენაზე. ექიმი-იმუნოლოგი, მედიცინის მეცნიერებათა დოქტორი. საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ასოცირებული პროფესორი. 

საკანდიდატო დისერტაციის თემა - "სტრუქტურულ–ფუნქციური ცვლილებები ჰიპოქსიის დროს ექსპერიმენტში და იმუნიტეტის მაჩვენებლები ავადმყოფებში გულის უკმარისობით". 

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.96; საქართველოს ტექნიკური უნივერსიტეტი: my.gtu.ge