ლევან კიკნაძე

დაბადების ადგილი: დაბა ხარაგაული.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1969 წელს; უშიშროების ხელმძღვანელი შემადგენლობის სპეც. კურსები (მოსკოვი) 1979 წელს; გაიარა საგარეო დაზვერვის სპეც. კურსები (მიუნხენი) 1997, 1999 წელს.

1990–1994წწ. იყო აფხაზეთის ა/რ უშიშროების კომიტეტის თავმჯდომარის მოადგილე; 1997–1999წწ. საქართველოს დაზვერვის სახელმწიფო დეპარტამენტის აფხაზეთის ა/რ დაზვერვის სამმართველოს უფროსი; 1999–2000წწ. საქართველოს დაზვერვის სახელმწიფო დეპარტამენტის თავმჯდომარის მოადგილე; 2000–2001წწ. აფხაზეთის ა/რ მინისტრთა საბჭოს თავმჯდომარის I მოადგილე; 2001–2004წწ. აფხაზეთის ა/რ უშიშროების მინისტრი; 2004–2007წწ. საქართველოს შსს კონტრდაზვერვის აფხაზეთის ა/რ მთავარი სამმართველოს უფროსი; 2007 წლიდან თადარიგშია. გენერალ-მაიორი (2000).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 33

• 2004 - ღირსების ორდენი
• 1999 - ვახტანგ გორგასლის III ხარისხის ორდენი