ნანი ლომაია

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1980 წელს; თბილისის ჟურნალისტიკისა და სამართლის ინსტიტუტის იურიდიული ფაკულტეტი 1995 წელს; საქართველოს ტექნიკური უნივერსიტეტის დოქტორანტურა 2019 წელს.

1980-1996წწ. - გაზეთი "სოფლის ცხოვრება", წერილების განყოფილება, კორესპონდენტი; 1993-2007წწ. - თბილისის ჟურნალისტიკისა და სამართლის ინსტიტუტი, პრორექტორი; 1996-2000წწ. - გაზეთი "გაუხმაურებელი ფაქტები", მთავარი რედაქტორი; 2000-2003წწ. - ქალაქ თბილისის პროკურატურა, პრესმდივანი; 2003-2005წწ. - პროკურორის უფროსი თანაშემწე; 2005 წლიდან - საქართველოს პარლამენტის აპარატი, საქმისწარმოების დეპარტამენტი, განყოფილების უფროსი. მონაწილეობს საერთაშორისო კონფერენციებსა და სიმპოზიუმებში. მუშაობს სამეცნიერო ნაშრომებზე. სამეცნიერო ინტერესები: მედიასაშუალებებში ადამიანის უფლებების დაცვისა და მედიასამართლის პრინციპების იმპლემენტაცია, ჟუნალისტთა პროფესიული ეთიკა და მედიასამართლებრივი კანონმდებლობა, დეზინფორმაციის გავრცელებისა და ანტიდასავლური პროპაგანდის გამოწვევები და სამართლებრივი რეგულაციები. "დანაშაულობის კვლევისა და პროგნოზირების ცენტრის" დამფუძნებელი; ჟურნალ "კრიმინოლოგის" სარედაქციო კოლეგიის წევრი. საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ასოცირებული პროფესორი.

წყარო: საქართველოს ტექნიკური უნივერსიტეტი: my.gtu.ge

• საქართველოს კრიმინოლოგიის მეცნიერებათა აკადემია, წევრი
• საქართველოს ჟურნალისტთა ფედერაცია, ვიცე-პრეზიდენტი

• 2000 - ღირსების ორდენი

• ადამიანის უფლებებისა და სამოქალაქო განათლების პრობლემები ქართულ მედიაში (ავტორი). - თბილისი, მერიდიანი, 2020. - 140გვ. . - ISBN: 9789941258077