რევაზ კირვალიძე

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის აგრონომიის ფაკულტეტი 1951 წელს.

სამეცნიერო-პედაგოგიური მოღვაწეობა განაგრძო სასოფლო-სამეურნეო ინსტიტუტის ნიადაგმცოდნეობის კათედრაზე. მან გამოიკვლია აღმოსავლეთ საქართველოს მშრალი სუბტროპიკული ზონის ნიადაგები. მუშაობდა ნიადაგის შესწავლის თეორიულ და მეთოდოლოგიურ საკითხებზე. მისი თანაავტორობით გამოქვეყნდა "ნიადაგმცოდნეობის ლაბორატორიულ-პრაქტიკული მეცადინეობის სახელმძღვანელო" (თბ., 1973). მონაწილეობდა საქართველოში პირველი აგროქიმიური კარტოგრამების შედგენასა და ნიადაგმცოდნეთა VIII და IX საერთაშორისო კონგრესების მუშაობაში. მიღებული აქვს სახელმწიფო ჯილდოები. ნიადაგმცოდნე, სოფლის მეურნეობის მეცნიერებათა კანდიდატი (1958), პროფესორი (1990).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; მის ლექციებზე ტევა არ იყო... : მიღწვიან, მომიგონებენ... / თენგიზ ურუშაძე // საქართველოს რესპუბლიკა. - თბილისი, 2003. - 9 ნოემბერი. - N302 (4681). - 6 გვ.; საქართველო: ენციკლოპედია: ტ.5. -თბ.,2023. -გვ. 61

• 1983 - ვასილ დოკუჩაევის სახელობის მედალი

• ნიადაგთდაცვითი საფუძვლები : დამხმ. სახელმძღვ. კვალიფიკაციის ამაღლების ფაკ-ტის მსმენელთათვის (თანაავტორი). - თბილისი, 1984. - 70გვ.
• ნიადაგთმცოდნეობის ლაბორატორიულ-პრაქტიკული მეცადინეობის სახელმძღვანელო : დამხმ. სახელმძღვ. სას.-სამ. ინ-ტის სტუდენტებისათვის (თანაავტორი). - თბილისი, განათლება, 1973. - 338გვ.