პეტრე კლაპიტონიშვილი

დაბადების ადილი: ქ. სტამბოლი.

დაამთავრა პეტერბურგის სამედიცინო-ქირურგიული აკადემია 1822 წელს.

მუშაობა დაიწყო კარის ექიმად იმჟამად რუსეთში მყოფ დედოფალ მარიამთან. 1828 წლიდან ელიზავეტპოლის (ახლანდელი განჯა), 1832 წლიდან გორის მაზრის ექიმი იყო; 1836–1843წწ. მუშაობდა ბაქოსა და ნუხაში. მას დიდი წვლილი მიუძღვის ქართული სამედიცინო ლიტერატურის განვითარებაში; პეტერბურგში ქართულ ენაზე 3 ნაწილად გამოსცა სამედიცინო დარიგებანი, რომელიც შემდეგ რუსულ ენაზეც დაიბეჭდა; შეადგინა და მოსკოვში ქართულ ენაზე გამოსცა მოკლე კარაბადინი; მასვე ეკუთვნის ვრცელი ანგარიშები ინფექციურ სნეულებათა (შავი ჭირი, ქოლერა და სხვ.) ეტიოლოგიის, ეპიდემიოლოგიის, კლინიკის, პრევენციისა და მკურნალობის შესახებ. პირველი ქართველი ექიმი, რომელმაც რუსეთში მიიღო უმაღლესი სამედიცინო განათლება; ერეკლე II-ის კარის ექიმის შვილი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 74

• მოკლე კარაბადინი დარიგებისა თვის ერისა. ვითარ იგი ჯერ არს დაცვა და განრინებად თავისა თვისისა შესაყართა სნეულებათაგან, და უმეტეს ჭირისა (ავტორი). - მოსკოვი, სინოდის სტ., 1926. - 92გვ.
• მოკლე კარაბადინი დარიგებისა თვის ერისა. მისთვის თუ ვითარი ღონის ძიება იხმარონ ჟამსა დაშხამვისა და კბენისასა ყოველთა რიგთა შხამიანთა და ცოფიანთა ცხოველთაგან (ავტორი). - მოსკოვი, სინოდის სტ., 1926. - 38გვ.
• მოკლე კარაბადინი დარიგებისა თვის ერისა, მისთვის რაგვარის ღონის ძიებითაც უნდა ეცადნენ და მოაბრუნონ მდინარიდამ გამოღებული კაცი (ავტორი). - მოსკოვი, სინოდის სტ., 1926. - 58გვ.