სოსო კლიჯიანი

დაბადების ადგილი: ქ. თბილისი.

1950 წელს დაიწყო სასცენო მოღვაწეობა თბილისის ს. შაუმიანის სახელობის სომხურ სახელმწიფო თეატრში. მალევე მოიპოვა პოპულარობა და თეატრის ერთ-ერთი წამყვანი მსახიობი გახდა. 1955 წელს "სომხური ფილმის" მიწვევით  საცხოვრებლად გადავიდა სომხეთში, სადაც გადაიღეს კინოფილმებში "მოჩვენებები მწვერვალებს ტოვებენ" (რეჟ. გ. მალიანი) და "ადრესატის ძიებაში" (რეჟ. რ. სარქისიანი). 1971 წელს დაბრუნდა თბილისის სომხურ თეატრში, სადაც შეასრულა 100-ზე მეტი როლი: რუსტამი, სეირანი (შირვანზადეს "ნამუსი"), პეპო (გ. სუნდუკიანის "პეპო"), ელიზბაროვი (შირვანზადეს "ღირსების გამო"), კამო (ა. ბარსეგიანის "კამო"), არშაკ II (პ. ზეიტუნიანის "არშაკ II"), ლიმონა (ნ. დუმბაძის "საბრალდებო დასკვნა") და სხვ. გამოირჩეოდა შესრულების ფართო დიაპაზონით და სცენური მომხიბვლელობით. სომეხი მსახიობი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 93

• 1984 - საქართველოს სახალხო არტისტი
• სომხეთის დამსახურებული არტისტი