ქეთევან კობახიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1958 წელს.

1958–1971წწ. მუშაობდა "თბილქალაქპროექტში" არქიტექტორად. 1971–2016წწ. ეწეოდა პედაგოგიურ მოღვაწეობას თბილისის სამხატვრო აკადემიაში. ძირითადი ნამუშევრები: მეტრო "თავისუფლების მოედნის" მიწისქვეშა ვესტიბიული (1967, არქიტ. ვ. შ. ალექსი-მესხიშვილთან ერთად); სასტუმრო "რუსთავის" რეკონსტრ. თბილისში (1971); ი. ჭავჭავაძის მემორიალური მუზეუმი ყვარელში (1977, არქიტ. ვ. ჯორბენაძესთან ერთად); დ. სარაჯიშვილის ძეგლი (1991, თბილისი, საქართვ. მწერალთა კავშირი, მოქანდაკე ა. გომართელი). აქვს ნაშრომები ქართული არქიტექტურული ძეგლების შესახებ. 
წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; taa.net.ge; საქართველო: ენციკლოპედია: ტ.5. -თბ.,2023. -გვ. 100

• 2015 - საქართველოს დამსახურებული არქიტექტორი
• 1998 - ღირსების ორდენი