იოსებ კოდუა

დაბადების ადგილი: სოფელი ქვალონი, ახლანდელი ხობის მუნიციპალიტეტი.

დაამთავრა თბილისის სახელმწიფო უნივერსიტეტის სოციალურ-ეკონომიკის ფაკულტეტი 1930 წელს.

1934–1945წწ. იყო საქართველოს პოლიტექნიკური ინსტიტუტის პოლიტეკონომიის კათედრის მასწავლებელი; 1945–1946წწ. მარქსიზმ-ლენინიზმის ინსტიტუტის საქართველოს ფილიალის უფროსი მეცნიერი თანამშრომელი; თბილისის სახელმწიფო უნივერსიტეტისს დოცენტი, პროფესორი (1947–1978). არის სამეცნიერო ნაშრომების, მათ შორის მონოგრაფიებისა და სახელმძღვანელოების ავტორი. მისი სამეცნიერო შრომები ეხება პოლიტიკური ეკონომიის, ინდუსტრიალიზაციის, საწარმოთა დაგეგმვის, ელექტრიფიკაციისა და სხვ. საკითხებს. ეკონომიკის მეცნიერებათა დოქტორი (1967), პროფესორი (1968).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 110

• შრომის ნაყოფიერება და წარმოების ეფექტიანობა კომუნისტური მშენებლობის პერიოდში (ავტორი). - თბილისი, 1969. - 32გვ.
• საბჭოთა საქართველო მოწინავე ინდუსტრიული რესპუბლიკაა (ავტორი). - თბილისი, თბილ. უნ-ტის გამ-ბა, 1961. - 292გვ.
• შრომის დაცვა სოფლის მეურნეობაში (ავტორი). - ტფილისი, შრომა, 1927. - 51გვ.