მარინა მხეიძე

დაბადების ადგილი: ქ. სოხუმი.

1937 წელს წარმატებით გამოვიდა მოსკოვში ხელოვნების დეკადაზე; 1945-1956 წლებში იყო საქართველოს სახელმწიფო აკადემიური ხალხური ცეკვის ანსამბლის წამყვანი სოლისტი. იგი ამ ანსამბლის პირველი თაობის მოცეკვავეთა ღირსეული წარმომადგენელია. მოცეკვავე ქალითვის საჭირო მონაცემებითა და შესანიშნავი გარეგნობით დაჯილდოებული მხეიძე ორი ათეული წლის მანძილზე ამშვენებდა ცეკვის აკადემიურ ანსამბლს და ქართული ცეკვის უბადლო შესრულებით ხიბლავდა მაყურებელს. საგასტროლოდ იმყოფებოდა საბჭოთა კავშირის ქალაქებსა და საზღვარგარეთის ქვეყნებში: ფინეთში, დანიაში, რუმინეთში, საფრანგეთში, უნგრეთში, გერმანიაში, პოლონეთში, ავსტრიაში, ბულგარეთსა და ჩეხოსლოვოკიაში. ბუქარესტის მსოფლიო ახალგაზრდობისა და სტუდენტთა IV ფესტივალის ლაურეატი (1953). მარინე მხეიძე იყო ვერა შერვაშიძის ქალიშვილი.

წყარო: 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.59; Académie géorgienne-française ჟან შარდენის ქართულ-ფრანგული აკადემია: facebook.com

• 2002 - ღირსების ორდენი
• 1967 - საქართველოს სახალხო არტისტი
• 1953 - საქართველოს დამსახურებული არტისტი
• წითელი ვარსკვლავის ორდენი (რუმინეთის სახალხო რესპუბლიკა)