პეტრე კოვალენსკი

1799-1800წწ. რუსეთის ელჩი და მინისტრი ქართლ-კახეთის სამეფოში გიორგი XII-ის დროს. 1801 წელს ქართლ-კახეთის სამეფოს გაუქმების შემდეგ, დაინიშნა "საქართველოს მმართველად" და ამავე დროს პირველი განყოფილების აღმასრულებელი ექსპედიციის უფროსად. ამ თანამდებობაზე ყოფნის დროს ჩადენილი მრავალი დანაშაულის გამო (მექრთამეობა, კარიერიზმი) 1802 წლის სექტემბერში რუსეთის მთავრობამ უკან გაიწვია.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 110