რომან კონდრატენკო

დაბადების ადგილი: ქ. ტიფლისი.

დაამთავრა ნიკოლოზის საინჟინრო სასწავლებელი 1877 წელს; საინჟინრო აკადემია 1882 წელს; გენშტაბის აკადემია 1886 წელს.

1886 წელს დანიშნეს გილენის სამხედრო ოლქში, სადაც ეკავა სხვადასხვა სამხედრო თანამდებობა. 1901 წელს მიიღო გენერალ-მაიორის წოდება. მსახურობდა სამხედრო ინჟინრად ბათუმში. 1903 წლიდან იყო აღმოსავლეთ ციმბირის მე-7 მსროლელი ბრიგადის, ხოლო 1904 წლიდან მის ბაზაზე შექმნილი დივიზიის მეთაური. მისი ხელმძღვანელობით შეიქმნა შეიარაღების ახალი სახეები: ხელყუმბარა, ნაღმსატყორცნი, ელექტროდენიანი მავთულ-ღობურები და სხვ. 1904–1905წწ. რუსეთ-იაპონიის ომის დროს იყო პორტ-არტურის ციხესიმაგრის სახმელეთო ფრონტის დაცვის უფროსი. დაიღუპა საარტილერიო დაბომბვის დროს. რუსეთის იმპერიის არმიის გენერალ-ლეიტენანტი (1904, გარდაცვალების შემდეგ); სამხედრო ინჟინერი, პორტ-არტურის დაცვის გმირი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 147

• 1904 - წმინდა გიორგის III ხარისხის ორდენი
• 1904 - წმინდა ვლადიმირის III ხარისხის ორდენი (მახვილით)
• 1904 - წმინდა გიორგის IV ხარისხის ორდენი
• 1899 - წმინდა ვლადიმირის IV ხარისხის ორდენი
• 1895 - წმინდა ანას II ხარისხის ორდენი
• 1892 - წმინდა სტანისლავის II ხარისხის ორდენი
• 1889 - წმინდა ანას III ხარისხის ორდენი
• 1884 - წმინდა სტანისლავის III ხარისხის ორდენი