ავთანდილ კორძაძე

დაბადების ადგილი: ქ. ქუთაისი.

დაამთავრა ნოვოსიბირსკის (რფ) სახელმწიფო უნივერსიტეტის მექანიკა-მათემატიკის ფაკულტეტი მათემატიკის სპეციალობით 1967 წელს.

1966–1984წწ. მუშაობდა ნოვოსიბირსკის სსრკ მეცნიერებათა აკადემიის ციმბირის განყოფილების გამოთვლითი ცენტრის ატმოსფეროსა და ოკეანის დინამიკის განყოფილებაში; 1984–1989წწ. მოსკოვში, სსრკ მეცნიერებათა აკადემიის პრეზიდიუმის გამოთვლითი მათემატიკის განყოფილებაში; 1989 წლიდან თბილისში იყო გეოფიზიკის ინსტიტუტის შავი ზღვის დინამიკის განყოფილების ხელმძღვანელი; 1995–2005წწ. დირექტორის მოადგილე სამეცნიერო ნაწილში; 2005 წლიდან თბილისის სახელმწიფო უნივერსიტეტის მ. ნოდიას გეოფიზიკის ინსტიტუტის ზღვისა და ატმოსფეროს გეოფიზიკის პროცესების მათემათიკური მოდელირების სექტორის ხელმძღვანელია; მისი ნაშრომები ეხება ოკეანის, ზღვისა და ატმოსფეროს დინამიკის შესწავლას, ჰიდროთერმოდინამიკის ძირითად განტოლებათა სისტემაზე დაფუძნებული სხვადასხვა მათემატიკური მოდელის შემუშავებას; 1998–2003წწ. იყო შავი ზღვის კვლევების საერთაშორისო ცენტრის დირექტორთა საბჭოს წევრი (საქართველოს მხრიდან) და ამავე საბჭოს თავმჯდომარის მოადგილე (ქ. ათენი, საბერძნეთი). გეოფიზიკოსი, ფიზიკა-მათემატიკის მეცნიერებათა დოქტორი (1987), პროფესორი (1995). 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 180

• 2012 - მიხეილ ნოდიას სახელობის პრემია
• 1996 - მერაბ ალექსიძის სახელობის პრემია
• ივანე ჯავახიშვილის სახელობის მედალი

• შავი ზღვის ოკეანოგრაფია წარსულში და თანამედროვე ეტაპზე (თანაავტორი). - თბილისი, თბილისის უნივერსიტეტის გამომცემლობა, 2016. - 188გვ.. - ISBN: 9789941135835