ნანული კოტრიკაძე

დაამთავრა საქართველოს პოლიტექნიკური ინსტიტუტის ქიმიის ფაკულტეტი, სპეციალობით ორგანული ქიმია 1969 წელს; თბილისის სახელმწიფო უნივერსიტეტის ასპირანტურა 1974 წელს.

1969 წლიდან სამეცნიერო კვლევა დაიწყო თბილისის სახელმწიფო უნივერსიტეტის ბიოლოგიის ფაკულტეტის ბიოფიზიკის კათედრაზე; 1993–1999წწ. იყო სამეცნიერო-კვლევითი პრობლემური ლაბორატორიის "კანცეროგენეზის მოლეკულური მექანიზმების" სამეცნიერო ხელმძღვანელი; 1999–2006წწ. თბილისის სახელმწიფო უნივერსიტეტის ბიოლოგიის ფაკულტეტის უჯრედული და მოლეკულური ბიოლოგიის კათედრის გამგე; 2006–2009წწ. თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის ბიოლოგიის მიმართულების ასოცირებული პროფესორი; 2009 წლიდან არის ბიოლოგიის დეპარტამენტის, "უჯრედული და მოლეკულური ბიოლოგიის" კათედრის გამგე, პროფესორი, 2017 წლიდან ამავე ფაკულტეტთან არსებული უჯრედული და მოლეკულური მედიცინის სამეცნიერო-კვლევითი ინსტიტუტის (უმმი) დირექტორი. მის სამეცნიერო კვლევის სფეროს წარმოადგენს კანცეროგენული ტრანსფორმაციის უჯრედული და მოლეკულური მექანიზმების შესწავლა ჰორმონო-დამოკიდებული სიმსივნეების (წინამდებარე ჯირკვალი, სარძევე ჯირკვლის, საშვილოსნოს ტანის) დროს; 2016−2018წწ. ჩატარებულ ნაშრომთა ციკლისათვის ავტორთა ჯგუფთან (თ. ჩიგოგიძე, ნ. კოტრიკაძე, მ. ალიბეგაშვილი, ლ. რამიშვილი, ნ. გაბუნია) ერთად გადაეცა ლ. მანაგაძის სახელობის I ხარისხის პრემია და დიპლომი (2018). არის სამეცნიერო ნაშრომების ავტორი. ბიოლოგიის მეცნიერებათა დოქტორი (1988), პროფესორი (1996).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; old.tsu.ge; საქართველო: ენციკლოპედია: ტ.5. -თბ.,2023. -გვ.192

• უჯრედული ბიოლოგიის საფუძვლები (Author). - თბილისი, უნივერსალი, 2009. - 268გვ.. - ISBN: 9789941125881