იუა კოღონია

დაბადების ადგილი: სოფელი კუტოლი, ოჩამჩირის რაიონი, ქუითაისის გუბერნია.

მნიშვნელოვანი წვლილი მიუძღვის აფხაზური ეპიკური პოეზიის განვითარებაში. 1924–1925წწ. გამოქვეყნებული მისი პოემები "ზოსჰან აჩბა და ჟანაა ბესლანის ვაჟიშვილები", "ნავეი და მზაუჭი", "მონადირე ხმიჭი", "აბათაა ბესლანი" გამოირჩევა ცხოვრების ღრმა ცოდნით, ჰეროიკული სულისკვეთებითა და ოპტიმისტური ჟღერადობით. მან გამოკვეთა უსამართლობისა და ბოროტების წინააღმდეგ მებრძოლი, მაღალი სულისა და კეთილშობილ მისწრაფებათა მქონე ეპიკურ გმირთა სახეები. მის პოემებში მხატვრულად აისახა ფოლკლორის მოტივები. მისი ლირიკული ლექსები ეძღვნება აფხაზეთს, მის აწმყოსა და მომავალს. აფხაზი საბჭოთა პოეტი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 194

• ნავეი და მზაუჩი : აფხაზური პოეზია (თანაავტორი) // კრებული. - თბილისი, მერიდიანი, 2019. - 104გვ.. - ISBN: 9789941256882
• ლექსები (ავტორი). - თბილისი, მერანი, 1971. - 46გვ.