გვაზავა შოთა

დაბადების ადგილი: ქ. ზუგდიდი.

1936 წელს ჩაირიცხა თბილისის სამხატვრო აკადემიაში ფერწერის ფაკულტეტზე, ხოლო 1937-1941 წლებში მოსკოვის საკავშირო კინემატოგრაფიის სახელმწიფო ინსტიტუტის სარეჟისორო ფაკულტეტზე.

სტუდენტობის პერიოდში მის მიერ შესრულებულმა სარეჟისორო ექსპლიკაციებმა: პუშკინის "ქარბუქმა", პ. მერიმეს "მატეო ფალკონემ", მაღალი შფასება დაიმსახურა. 1947 წელს ზუგდიდის თეატრის რეჟისორად იწყებს მუშაობას. მან იქ განახორციელა შემდეგი დადგმები: ალიგურის "ზოია", მოლიერის "სკაპენის ოინები", ა. კორნეიჩუკის "ძახველის ჭალა" და "პლატონ კრეჩეტი", ბერიაკოვსკის "იულიუს ფუჩიკი", ვასილიევის "ამქვეყნიური სამოთხე", მუხთაროვის "ოჯახის ღირსება" და "ალანის ოჯახი", გ. ქელბაქიანის "თქმულება დიდ მეგობარზე" და "ჩემი პირადი საქმე", ვ. პატარაიას "სანაპიროზე", ვ. გაბისკირიას ''ახალი წლის ღამე'', დ. თაქთაქიშვილის ''უკანასკნელი ნიღაბი'', ს. მთვარაძის ''ჩაშლილი ქორწილი'', შ. დადიანის "გეგეჭკორი" და სხვა. შ. გვაზავა კინოსტუდია "ქართულ ფილმში" რეჟისორის ასისტენტად მუაობდა ფილმებზე: "პაპა გიგია", "ყვავილი თოვლზე", "უდიპლომო სასიძო", "მასწავლებელი" და სხვა.

წყარო: 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.76; რეჟისორის გზა / კ. გოგოძე // საბჭოთა ხელოვნება. - თბ., 1966. - N5. - გვ.60-63