თამაზ კუნჭულია

დაბადების ადგილი: სოფელი ლესა, ახლანდელი ლანჩხუთის მუნიციპალიტეტი.

დაამთავრა საქართველოს სასოფლო-სამეურნეო ინსტიტუტის აგრონომიის ფაკულტეტი 1959 წელს.

1969–1977წწ. მუშაობდა სოფლის მეურნეობის ეკონომიკისა და ორგანიზაციის სამეცნიერო-კვლევით ინსტიტუტში (შემდგომში – აგრონომიის ეკონომიკის ინსტიტუტი) განყოფილების გამგედ; 1977–1990წწ. პარტიულ-სამეურნეო ორგანოებში ხელმძღვანელ თანამდებობებზე; 1994–1996წწ. საქართველოს სოფლის მეურნეობისა და სურსათის მინისტრის მოადგილედ; 1996–1998წწ. სააქციო საზოგადოება "ქართული ჩაის" გენერალურ დირექტორად; 1998–2005წწ. საქართველოს სოფლის მეურნეობის სამინისტროს საფინანსო-ეკონომიკური დეპარტამენტის უფროსად; 2007 წლიდან იყო საქართველოს სოფლის მეურნეობის მეცნიერებათა აკადემიის აკადემიური დეპარტამენტის უფროსი; 2012 წლიდან საქართველოს სოფლის მეურნეობის მინისტრის მრჩეველი; 2005–2010წწ. ეწეოდა პედაგოგიურ მოღვაწეობას. იგი მრავალი სამეცნიერო ნაშრომის ავტორია. მისი კვლევის ძირითადი მიმართულებებია დარგობრივი ეკონომიკის (მეაბრეშუმეობა, მეფუტკრეობა, მეფრინველეობა) და აგრარული პოლიტიკის თანამედროვე პრობლემები. ეკონომიკის მეცნიერებათა დოქტორი (1997), აგროეკონომისტი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.234

• საქართველოს სოფლის მეურნეობის მეცნიერებათა აკადემია, ნამდვილი წევრი (2013-)
• საქართველოს სოფლის მეურნეობის მეცნიერებათა აკადემია, წევრ-კორესპონდენტი (2003-)

• 2000 - ღირსების ორდენი

• საქართველოს აგროსასურსათო სექტორის საბაზრო ურთიერთობებზე გადაყვანის პრობლემები (თანაავტორი). - თბილისი, მწიგნობარი, 2020. - 256გვ.. - ISBN: 9789941820311
• მეჩაიეობის აღდგენის აუცილებლობა საქართველოში (თანაავტორი). - თბილისი, მწიგნობარი, 2019. - 200გვ.. - ISBN: 9789941806049
• ქართული მეჩაიეობა : უახლესი წარსული (თანაავტორი). - თბილისი, მწიგნობარი, 2017. - 196გვ.. - ISBN: 9789941473104
• საქართველოს სოფლის მეურნეობის საბაზრო ეკონომიკაზე გადაყვანის პრობლემები (ავტორი). - თბილისი, მეცნიერება, 1997. - 142გვ.