ქეთევან კუპატაძე

დაბადების ადგილი: ქ. თბილისი.

დაამთავრა სულხან-საბა ორბელიანის სახელობის პედაგოგიური უნივერსიტეტის (ახლანდელი ილიას სახელმწიფო უნივერსიტეტი) ქიმია-ბიოლოგიის ფაკულტეტი 1993 წელს.

1999–2007წწ. მუშაობდა ს.-ს. ორბელიანის სახელობის პედაგოგიური უნივერსიტეტში. მისი სამეცნიერო ინტერესების სფეროა გარემოს და ეკოლოგიური ქიმია, თეორიული ქიმია, ქიმიის დიდაქტიკა, ქიმიის ისტორია. არის ავტორი სამეცნიერო ნაშრომების, 2 ვირტუალური პროგრამისა და 4 მონოგრაფიის. ეწევა პედაგოგიურ მოღვაწეობას ილიას სახელმწიფო უნივერსიტეტში (2007-იდან პროფესორი). არის "European Training Foundation"-ის მეცნიერების პოპულარიზაციის ელჩი (2022); ჟურნალების "Journal Tchê Química"-ისა (2017-იდან) და "SCIREA Journal of Chemistry"-ის რედკოლეგიის წევრი (2019 წლიდან); "Southern Brazilian Journal of Science"- ის მეორე რედაქტორი (2022 წლიდან). მიღებული აქვს მოლდოვის მეცნიერებათა აკადემიის სპეციალური მედალი ქიმიის პოპულარიზაციისთვის (2017). NATO-ს მიერ გამოქვეყნებულ ყოველწლიურ სტატიაში დასახელდა სამ გამორჩეულ მეცნიერ ქალთა შორის (2022). პედ. მეცნ. დოქტორი (2003), პროფესორი (2005).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; ილიას სახელმწიფო უნივერსიტეტი: საბუნებისმეტყველო მეცნიერებისა და მედიცინის ფაკულტეტი: faculty.iliauni.edu.ge;  საქართველო: ენციკლოპედია: ტ.5. -თბ.,2023. -გვ.234-235

• "Aluminibus et salibus" - არ გაამხილოთ : სამეცნიერო-პოპულარული სტატიები (ავტორი). - თბილისი, ტრიასი, 2017. - 330გვ.. - ISBN: 9789941944598
• სიყვარული ქიმიაა?!.. : სამეცნ.-პოპულ. სტატიები (ავტორი). - თბილისი, უნივერსალი, 2014. - 196გვ.. - ISBN: 9789941222368
• ელექტრონული სწავლება (ავტორი). - თბილისი, უნივერსალი, 2009. - 80გვ.. - ISBN: 9789941128851