თინა ლუხავა

დაბადების ადგილი: ქ. სოხუმი.

1944 წლიდან თ. ლუხავა ცეკვავდა აფხაზეთის სიმღერისა და ცეკვის სახელმწიფო ანსამბლში ცნობილი ლოტბარის, კიწი გეგეჭკორის ხელმძღვანელობით (ქორეოგრაფი რ. აგრბა); ლუხავას, როგორც ქორეოგრაფის ჩამოყალიბებაში განსაკუთრებული წვლილი მიუძღვის ქართველ ქორეოგრაფს ი. ციმაკურიძეს, რომელიც 1950-1961 წლებში ნაყოფიერად მუშაობდა აფხაზეთის სიმღერისა და ცეკვის სახელმწიფო ანსამბლში. თ. ლუხავა II მსოფლიო ომის პერიოდში ანსამბლთან ერთად აქტიურად მონაწილეობდა საშეფო კონცერტებში, გამოდიოდა ჰოსპიტლებში; 1958 წელს მონაწილეობდა თბილისში გამართულ აფხაზეთის ლიტერატურისა და ხელოვნების დეკადაში. მოცეკვავის საშემსრულებლო ოსტატობა გამოვლინდა ცეკვებში: "განდაგანა", "სიმდი", "პაემანი" და სხვა.

წყარო: 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.80

• მედალი "შრომითი მამაცობისთვის"
• აფხაზეთის ავტონომიური რესპუბლიკის დამსახურებული არტისტი