ზაურ წოწკოლაური

დაბადების ადგილი: სოფელი ხეობა, დუშეთის რაიონი.

დაამთავრა საქართველოს ზოოვეტერინარული ინსტიტუტი ზოოტექნიკოსის სპეციალობით 1976 წელს.

1949 წლიდან საცხოვრებლად გადავიდა თიანეთის რაიონში; 1951-1953 წლებში ოჯახთან ერთად იყო რეპრესირებული და გადასახლებული სამხრეთ ყაზახეთის ოლქში; 1971-1985წწ. მუშაობდა თბილისის მეფრინველეობის ფაბრიკაში საამქროს უფროსის თანამდებობაზე; 1985-1992წწ. გარდაბნის რაიონის სოფელ მარტყოფის მებოცვრეობის მრავალპროფილურ კომპლექსში საიჯარო რგოლის ხელმძღვანელად; ლექსების წერა ბავშვობიდან დაიწყო; 2011 წლიდან მონაწილეობს ფოლკლორულ საღამოებსა და ფესტივალებში; 2011 წელს მცხეთა-მთიანეთის რეგიონში მოეწყო "დამბალი ხაჭოს" გამოფენა-გაყიდვა სახელწოდებით "მადლი ფშაური მიწისა", სადაც გადაეცა პრიზი საუკეთესო ლექსისთვის დამბალ ხაჭოზე; 2015-2016წწ. მონაწილეობდა საქართველოს ფოლკლორის ეროვნული ფესტივალის ნომინაციაში "ზეპირსიტყვერება, კაფია" - გახდა ფესტივალის გამარჯვებული; 2017 წელს კი, წმინდა ილია მართლის გაზეთ "ივერიის" სახელობის პროზა-პოეზიის ფესტივალის  მთავარი პრიზის მფლობელი; 2017-2020წწ. მონაწილეობდა ვახუშტი კოტეტიშვილის სახელობის ხალხური პოეზიის საღამოებში "ლექსო, არ დაიკარგები". არის ავტორი წიგნისა - "სულ შენთანა ვარ, იორო...". წიგნის პრეზენტაცია მოეწყო თიანეთში, სადაც თიანეთის მერიამ რაიონის კულტურულ ცხოვრებაში აქტიური მონაწილეობისთვის დააჯილდოვა მადლობის სიგელით. წიგნის გამოცემასთან დაკავშირებით სტატიები და ლექსები გამოქვეყნდა: ჟურნალში საქართველოს ბიბლიოთეკა : სამეცნიერო-პოპულარული და მეთოდური ჟურნალი.- თბილისი, 2022. N 4 (89).-გვ.45-46, გაზეთში "თიანეთის მომავალი".-N108, ოქტომბერი, 2022. ფშაველი მოკაფიავე.

წყარო: ლალი ყარყარაშვილის მიერ მოწოდებული ბიოგრაფიული მონაცემები.

• სულ შენთანა ვარ იორო... : ლექსები (ავტორი). - თბილისი, მერიდიანი, 2022. - 198გვ.. - ISBN: 9789941342264