რამაზ კუტუბიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1965 წელს.

1965 წლიდან მუშაობა დაიწყო ჩოხატაურის ამბულატორიაში ქირურგად; 1969 წლიდან თბილისის I საავადმყოფოში; 1970 წლიდან იყო თბილისის სახელმწიფო სამედიცინო ინსტიტუტის ბავშვთა ქირურგიული კათედრის თანამშრომელი; 1984–1994წწ. კათედრის პროფესორი; 1994–2017წწ. კათედრის გამგე; 2017 წელს მიენიჭა ემერიტუსის წოდება; 1994 წლიდან ხელმძღვანელობდა თბილისის სამედიცინო აკადემიის ბავშვთა ქირურგიის კურსს; 1996 წლიდან იყო საქართველოს ბავშვთა ქირურგთა ასოციაციის პრეზიდენტი. არის სამეცნიერო ნაშრომების ავტორი, მათ შორის 1 მონოგრაფიისა და 2 სახელმძღვანელოს, რომლებიც ეხება ბავშვთა ქირურგიის აქტუალურ პრობლემებს. მიღებული აქვს სახელმწიფო ჯილდოები. მედიცინის მეცნიერებათა დოქტორი (1983), პროფესორი (1984). ბავშვთა ქირურგი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; რამაზ კუტუბიძე - 80 // ექსპერიმენტული და კლინიკური მედიცინა.-თბ.,2021.-N4;  საქართველო: ენციკლოპედია: ტ.5. -თბ.,2023. -გვ. 246

• 2017 - ღირსების ორდენი