ზურაბ კუჭავა

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გამოყენებითი მათემატიკისა და კიბერნეტიკის ფაკულტეტი 1984 წელს.

1990–1998წწ. მონაწილეობდა და შესრულებული აქვს მრავალი რთული ასვლა საქართველოს ნაკრებისა და დამოუკიდებელი ექსპედიციების შემადგენლობებში: კომუნიზმის პიკი (7495 მ), ლენინის პიკი (7134 მ), ხან-თენგრი (6995 მ), მანასლუ (ჰიმალაი, 8163 მ). 1993 წელს იყო საერთაშორისო ალპინიზმის ცენტრის "ტიან-შანის" ინსტრუქტორი (ხელმძღვ. ვ. კომისაროვი). ასევე შესრულებული აქვს მრავალი ასვლა კავკასიონის მწვერვალებზე (მყინვარწვერი, უშბა, შხარა და სხვ.), მ. შ. პირველგავლები: ჭაუხი – ასათიანის სვეტით 6 (1995), შხარა მთავარი – უშგულის კედლის ცენტრით 6B (1996 წლიდან), მყინვარწვერი – ზამთრის ასვლა გველეშაპის კედლით 5A (2003). არის მთამსვლელობის სკოლის დამაარსებელი და ხელმძღვანელი (1996); 2001 წლიდან ალპინისტური ასოციაციების საერთაშორისო გაერთიანების (UIAA) ახალგაზრდული კომისიის საქართველოს წარმომადგენელი. მთამსვლელი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.248

• საქართველოს მთამსვლელობისა და კლდეზე ცოცვის ასოციაცია, პრეზიდენტი (2007-)
• საქართველოს მთამსვლელობისა და კლდეზე ცოცვის ასოციაცია, ვიცე-პრეზიდენტი (2001-2007)

• 2013 - საქართველოს სპორტის დამსახახურებული მოღვაწე