ნიკოლოზ ლასარეიშვილი

დაბადების ადგილი: ქ. ბათუმი.

დაამთავრა თბილისის სახელმწიფო სამხატვრო აკადემია მხატვარ-არქიტექტორის სპეციალობით 1952 წელს.

1952–1953წწ. მუშაობდა "საქსახპროექტში"; 1953–1957წწ. 'საქკომუნპროექტში"; 1957–1969წწ. "საქქალაქმშენსახპროექტში"; 1969 წლიდან –"გიპროკინოს" თბილისის კომპლექსურ განყოფილებაში; 1966–2012წწ. შემოქმედებით საქმიანობასთან ერთად ეწეოდა პედაგოგიურ მოღვაწეობას თბილისის სახელმწიფო სამხატვრო აკადემიის გამოყენებითი ხელოვნების ფაკულტეტის ინტერიერის კათედრაზე; ნამუშევრები: თელავში – სახელმწიფო პედაგოგიური ინსტიტუტის კომპლექსი (1967), თბილისში – ს.-ს. ორბელიანის ძეგლი (1959, მოქანდაკე ტ. სიხარულიძე), 110- ბინიანი საცხოვრებელი სახლი (1959, ავტორთა ჯგუფთან ერთად), სახელმწიფო სამედიცინო ინსტიტუტის ერთ-ერთი კორპუსი (1969), ინდუსტრიულ-პედაგოგიური ტექნიკუმის კომპლექსი (1973, არქიტ. დ. ჯაფარიძესთან ერთად) და სხვ.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.295

• 1971 - საქართველოს დამსახურებული არქიტექტორი