იური ლაშქაროვი

დაამთავრა გვარდიის პოდპრაპორშჩიკებისა და კავალერიის იუნკერთა სკოლა 1844 წელს.

ყირიმისა (1853–1856) და რუსეთ-ოსმალეთის (1877–1878) ომებში მეთაურობდა კავალერიის რაზმს და მონაწილეობდა პლევნის ციხესიმაგრის აღებაში. შემდეგ იყო მე-19 საკავალერიო დივიზიისა და დუნაის არმიის (1882 წლიდან) კავალერიის უფროსი, რუსეთ-რუმინეთის ჯარების შტაბის უფროსი. დაჯილდოებულია ორდენებითა და მედლებით. რუსეთის იმპერიის არმიის გენერალ-მაიორი (1868). გენერალ პავლე ლაშქაროვის ვაჟი. 

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.309