ქეთევან ლაშხი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1982 წელს.

1983–1990წწ. იყო ნ. კახიანის სახელობის ამიერკავკასიის რკინიგზის საავადმყოფოს კარდიოლოგი; 1991–1996წწ. მუშაობდა სხივური და ინტერვენციული დიაგნოსტიკის სამეცნიერო-კვლევითი ინსტიტუტის (ახლანდელი აკადემიკოს ფ. თოდუას სახელობის სამედიცინო ცენტრი) კომპიუტერული ტომოგრაფიის განყოფილებაში. 1991, 1995, 1997, 2010 წლებში კომპიუტერული ტომოგრაფიისა და მაგნიტურ-რეზონანსული ტომოგრაფიის სპეციალიზაციის განხრით გაიარა სტაჟირება ქ. გრაცის (ავსტრია) საუნივერსიტეტო კლინიკაში. 1997 წლიდან ხელმძღვანელობს კლინიკის მედიცინის სამეცნიერო-კვლევითი ინსტიტუტის მაგნიტურ-რეზონანსული ტომოგრაფიის განყოფილებას. მისი სამეცნიერო ნაშრომები და გამოგონებები ეძღვნება კომპიუტერულ-ტომოგრაფიული კვლევის აქტუალურ საკითხებს. მიღებული აქვს სახელმწიფო ჯილდოები. რადიოლოგი.  

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; თოდუას კლინიკა: toduaclinic.ge; საქართველო: ენციკლოპედია: ტ.5. -თბ.,2023. -გვ.310

• ევროპული რადიოლოგთა ასოციაცია, წევრი (1997-)
• საქართველოს რადიოლოგთა ასოციაცია, წევრი (1993-)

• 2015 - საქართველოს სახელმწიფო პრემია
• 2010 - გრიგოლ მუხაძის სახელობის პრემია (საქართველოს მეცნიერებათა ეროვნული აკადემია )