ნოდარ ლეკიშვილი

დაბადების ადგილი: სოფელი მარტყოფი, გარდაბნის მუნიციპალიტეტი.

დაამთავრა თბილისის სახელმწიფო უნივერსიტეტის ქიმიის ფაკულტეტი 1971 წელს.

1989 წლიდან იყო თბილისის სახელმწიფო უნივერსიტეტის ქიმიის ფაკულტეტის თანამშრომელი, პროფესორი; 2006–2012წწ. იყო ზოგადი, არაორგანული და მეტალორგანული ქიმიის მიმართულების ხელმძღვანელი და კათედრის გამგე; 2009–2012წწ. თბილისის სახელმწიფო უნივერსიტეტის ორგანულ-არაორგანული ჰიბრიდული ნაერთების და არატრადიციული მასალების სამეცნიერო-კვლევითი ინსტიტუტის დირექტორი და სამეცნიერო ხელმძღვანელი; 2012 წელს მიენიჭა ემერიტუს პროფესორის წოდება; მისი სამეცნიერო კვლევები ძირითადად ეხება ბიოლოგიურად აქტიურ კოორდინაციულ ნაერთებს ელემენტორგანული ლიგანდებით, არატრადიციული სტრუქტურებისა და თვისებების მქონე ოლიგომერებსა და პოლიმერებს; გამოქვეყნებული აქვს სამეცნიერო პუბლიკაციები, მ. შ. სახელმძღვანელოები და მონოგრაფიები, მიღებული აქვს რამდენიმე გამოგონების საავტორო მოწმობა და პატენტი. არის რამდენიმე საერთაშორისო და ადგილობრივი სამეცნიერო ჟურნალის სარედაქციო კოლეგიის წევრი და ექსპერტი, საერთაშორისო ჟურნალის Journal of Nanomaterials-ის სპეციალური ტომის "Synthesis, Properties and Applications of Polymeric Nanocomposites" მიწვეული რედაქტორი (2011–2012); იყო საქართველოს საბუნებისმეტყველო მეცნიერებათა აკადემიის, აგრეთვე ავანგარდული მასალების მსოფლიო ფორუმის ("POLYCHAR", აშშ) სამეცნიერო კომიტეტის წევრი; სხვადასხვა დროს არჩეული იყო საერთაშორისო სამეცნიერო საზოგადოებების (ამერიკის ქიმ. საზ.) წევრად; ქიმიის მეცნიერებათა დოქტორი (1995), პროფესორი (1995).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.326

• საინჟინრო აკადემია, ნამდვილი წევრი (2018-)
• საქართველოს ქიმიური საზოგადოება, პრეზიდენტი (2017-)
• საქართველოს ქიმიური საზოგადოება, ვიცე-პრეზიდენტი (1995-)

• 2021 - თბილისის სახელმწიფო უნივერსიტეტის ოქროს მედალი
• 2012 - ღირსების ორდენი
• 2002 - სულხან-საბა ორბელიანის სახელობის პრემია
• 1995 - პეტრე მელიქიშვილის სახელობის პრემია

• არაორგანული ქიმია კითხვებსა და პასუხებში : დამხმარე სახელმძღვანელო (თანაავტორი). - თბილისი, უნივერსალი, 2018. - 160გვ.. - ISBN: 9789941262500
• საყოფაცხოვრებო ქიმია : სახელმძღვანელო (ავტორი). - თბილისი, თბილისის უნივერსიტეტის გამომცემლობა, 2016. - 212გვ.. - ISBN: 9789941134944
• ზოგადი და არაორგანული ქიმია : სახელმძღვანელო (თანაავტორი) // ნაწ. 1, ფუნდამენტური პრინციპი და თეორიული საფუძვლები. - თბილისი, თბილ. უნ-ტის გამ-ბა, 2010. - 298გვ.. - ISBN: 9789941131608
• The method of synthesis of organosilicon polymers with inorganic and organo-inorganic main chains of macromolecules based on the combined polymerization-condensation process = მაკრომოლეკულების არაორგანული და ორგანოარაორგანული ძირითადი ჯაჭვების შემცველი პოლიმერების სინთეზის ერთობლივი პოლიმერიზაციული კონდენსაციის პროცესზე დაფუძნებული მეთოდი (თანაავტორი). - Tbilisi, University press, 1996. - 71p.