ლია ლურსმანაშვილი

დაბადების ადგილი: ქ. ქუთაისი.

დაამთავრა ქუთაისის ნ. ი. მუსხელიშვილის სახელობის პოლიტექნიკური ინსტიტუტი, მსუბუქი მრეწველობის ფაკულტეტი ინჟინერ-ტექნოლოგის სპეციალობით 1981 წელს; ქუთაისის პოლიტექნიკური ინსტიტუტი  სამკერვალო ნაწარმის ტექნოლოგიისა და მოდელირება-კონსტრუირების კათედრის ასპირანტურა.

1991-1996წწ. ქუთაისის პოლიტექნიკური ინსტიტუტი სამკერვალო ნაწარმის ტექნოლოგიისა და მოდელირება-კონსტრუირების კათედრა, ასისტენტი, უფროსი მასწავლებელი; 1998-2006წწ. საქართველოს ტექნიკური უნივერსიტეტი,  მსუბუქი მრეწველობის ნაწარმთა ტექნოლოგიისა და კონსტრუირების კათედრა, უფროსი მასწავლებელი; 2006-2009წწ. მანქანათმშენებლობის დეპარტამენტი. მსუბუქი მრეწველობის ნაკეთობათა ტექნოლოგიის მიმართულება, მოწვეული ასოცირებული პროფესორი; 2007-2022წწ. აპოლონ ქუთათელაძის სახ. თბილისის სახელმწიფო სამხატვრო აკადემია, დიზაინის ფაკულტეტი, მოდის დიზაინის მიმართულება, მოწვეული პედაგოგი; 2009 წლიდან საქართველოს ტექნიკური უნივერსიტეტი, მსუბუქი მრეწველობის ნაკეთობათა ტექნოლოგიის მიმართულება, ასოცირებული პროფესორი. არის 85 სამეცნიერო ნაშრომის, მათ შორის 5 მონოგრაფიის და 3 სახელმძღვანელოს ავტორი, 3 სადოქტორო და 8 სამაგისტრო ნაშრომის ხელმძღვანელი, საბაკალავრო პროგრამის - "მოდის დიზაინის ტექნოლოგიები" და პროფესიული მოდულური პროგრამის - "სამკერვალო წარმოება" ხელმძღვანელი. ტექნიკის მეცნიერებათა კანდიდატი, აკადემიური დოქტორი (2006), პროფესორი (2009).

საკანდიდატო დისერტაციის თემა - "საქართველოს მართლმადიდებელი ეკლესიის სასულიერო პირთა სამოსში დაკარგული ქართული ელემენტებისა და გამოყენებული მასალების კვლევა".

წყარო: საქართველოს ტექნიკური უნივერსიტეტის ვებგვერდი: my.gtu.ge

• ქართული კოსტიუმი უცხოურ წერილობით და სახვით წყაროებში = Georgian Costume in Foreign Written and Fine Arts Sources : მონოგრაფია (რედაქტორი). - ქუთაისი, 2021. - 188გვ.. - ISBN: 9789941839962
• ქართული ეროვნული სამოსის ილუსტრირებული ცნობარი = Illustrated Reference Book of Georgian National Clothing / (თანაავტორი). - ქუთაისი, 2020. - 408გვ.. - ISBN: 9789941484117
• ქართული ეროვნული სამოსის კონსტრუქტორული და ტექნოლოგიური დაგეგმარება (თანაავტორი). - ქუთაისი, აკაკი წერეთლის სახელმწ. უნ -ტი, 2017. - 188გვ.. - ISBN: 9789941459320
• ქართული ეროვნული სამოსის კვლევა, წერილობითი წყაროების, სამუზეუმო ექსპონატებისა და იკონოგრაფიული მასალების მიხედვით : მონოგრაფია (თანაავტორი). - ქუთაისი, 2016. - 232გვ.. - ISBN: 9789941417245
• სამკერვალო საწარმოთა დაგეგმარება : დამხმარე. სახელმძღვანელო (ავტორი). - თბილისი, ტექ. უნ-ტი, 2013. - 65გვ.. - ISBN: 9789941200373