ნოშრევან გალაშვილი

დაბადების ადგილი: ქ. დუშეთი.

ნოშრევან გალაშვილის დედა საქართველოს დამსახურებული პედაგოგი და ლენინის ორდენის კავალერი იყო,  მამა კი 1937 წელს რეპრესიებს ემსვერპლა. ნოშრევან გალაშვილის ძმა, თბილისის სამედიცინო ინსტიტუტის სტუდენტი მირიან გალაშვილი დიდი სამამულო ომის დაწყებისთანავე, 1941 წელს, ფრონტზე გაიწვის, მალე ქერჩთან ტყვედ ჩავარდა. ომის დამთავრების შემდეგ გერმანიაში იმყოფებოდა. 1964 წლიდან იგი ამერიკის შეერთებულ შტატებში ცხოვრობდა. ნოშრევან გალაშვილი ძმის სანახავად პირველად 1969 წელს წავიდა, 1977 წელს იგი კვლავ ესტუმრა ძმას, იგი ძმასთნ დარჩა და საბოლოო ჯამში 15 წელი გაატარა უცხოეთში, 3 წელიწადი ცხოვრობდა ქალაქ რინოში, შემდეგ ქალაქ სანტა-როზაში გადავიდა. სანტა როზაში ნოშრევან გალაშვილი პენსიონერთა პანსიონში ცხოვრობდა, დანიშნული ჰქონდა პენსია. საქართველოში დაბრუნდა 1992 წელს. 1997 წლის 17 ივნისს ნოშრევან გალაშვილმა, საქართველოში საკუთარ სახლში სიცოცხლე თვითმკვლელობით დაასრულა. ქართული ემიგრაციის წარმომადგენელი.

წყარო: ასეთ სამშობლოს შუბლში ტყვია სჯობსო, - და ამერიკელმა ქართველმა თბილისში მოიკლა თავი / ნინო ხაჩიძე. საქართველოში დაბრუნებული ამერიკელი ემიგრანტის, ნოშრევან გალაშვილის ტრაგედიის შესახებ // დრო.-თბილისი,1997.- ივლისი.-N24.-გვ.2, 6; matsne.gov.ge

• 1997 - ღირსების ორდენი
  საზღვარგარეთ არსებული საქართველოს კულტურული მემკვიდრეობის შენარჩუნებისა და საქართველოში დაბრუნების საქმეში შეტანილი მნიშვნელოვანი წვლილისა და ნაყოფიერი საზოგადოებრივი მოღვაწეობისთვის

• ხოცვა ნადირთა მცირეთა... : ლექსების კრებული (თავფურცელზე ავტორის სასაჩუქრე მინაწერი ემიგრაციის მუზეუმისადმი) (ავტორი). - თბილისი, 1995. - 45გვ.
• ნოსტალგია : ლექსები (ეძღვნება დედას ნინო ჭონქაძეს) (ავტორი). - თბილისი, კოოპერატივი "სინათლე 90", 1992. - 48გვ.
• ლექსები - პოემები : (არასრული კრებული) თავფურცელზე ავტორის სასაჩუქრე მინაწერი გურამ შარაძისადმი (ავტორი). - სანტა-როზა, 1989. - 103გვ.
• ლექსები - პოემები : (არასრული კრებული) (ავტორი). - სანტა-როზა, 1989
• ოტელო : უ. შექსპირის ოტელო, შესრულებული შ. რუსთაველის სტილით, შაირით (ივანე მაჩაბლის თარგმანის მიხედვით) : ეძღვნება აკაკი ხორავას ხსოვნას (ავტორი). - 1988. - 162გვ.
• ლექსები - პოემები (ავტორი). - ა.შ.შ., 1988. - 90გვ.