ნანა სუმბაძე

დაბადების ადგილი: ქ. თბილისი.

1966-1971 წლე­ბში სწავ­ლობ­და ილია ჭავ­ჭა­ვა­ძის სა­ხე­ლო­ბის თბილისის უცხო ენ­ათა ინ­სტი­ტუტ­ში, 1981 წელს და­ამ­თავ­რა თბი­ლი­სის სა­ხელ­მწი­ფო უნ­ივ­ერ­სი­ტე­ტის ფსი­ქო­ლო­გი­ის ფა­კულ­ტე­ტი.

1982 წლიდან მუშაობდა ფილოსოფიისა და ფსიქოლოგიის ფაკულტეტზე, სოციალური ფსიქოლოგიის კათედრაზე ლაბორანტად, ხოლო 1981 წლიდან როგორც ლექტორი, ასწავლიდა სხვადასხვა კურსებს: სოციალური კოგნიცია, კვლევის მეთოდები, ინტერპერსონალური ურთიერთობები, გარემოს ფსიქოლოგია და გამოყენებითი სოციალური ფსიქოლოგია; 1993 წლი­დან იყო ლე­იდ­ენ­ის სა­ხელ­მწი­ფო უნ­ივ­ერ­სი­ტე­ტის დოქ­ტო­რან­ტი; 1999 წელს და­იც­ვა დი­სერ­ტა­ცია თე­მა­ზე - "სო­ცი­ალ­ური ქსე­ლი: მოზ­რდი­ლი ქა­ლე­ბის და კა­ცე­ბის მე­გობ­რო­ბა" და ლე­იდ­ენ­ის უნ­ივ­ერ­სი­ტე­ტის სო­ცი­ალ­ურ მეც­ნი­ერ­ებ­ათა დოქ­ტო­რი გახ­და; 2005-2011 წლებში თბილისის სახელმწიფო უნივერსიტეტში იყო ასოცირებული პროფესორი, ხოლო 2011 წლიდან პროფესორი; ხელმძღვანელობდა სოციალური ფსიქოლოგიის მიმართულებას და დიდი წვლილი შეიტანა ამ მიმართულების განვითარებასა და ფსი­ქო­ლო­გე­ბის თა­ობ­ებ­ის აღ­ზრდა­ში; მი­სი კვლე­ვე­ბი ეხებოდა სო­ცი­ალ­ური ფსი­ქო­ლო­გი­ის, სო­ცი­ალ­ური მეც­ნი­ერ­ებ­ებ­ის სა­კითხებს, ას­ევე, სო­ცი­ალ­ური პრობ­ლე­მე­ბის ფარ­თო სპექ­ტრს და მი­მარ­თუ­ლი იყო სო­ცი­ალ­ური ჯგუ­ფე­ბის სა­ჭი­რო­ებ­ებ­ის კვლე­ვა­სა და მა­თი ცხოვ­რე­ბის ხა­რის­ხის გა­უმ­ჯო­ბე­სე­ბა­ზე. მათ შო­რის იყ­ვნენ ქა­ლე­ბი, იძ­ულ­ებ­ით გა­და­ად­გი­ლე­ბუ­ლი პი­რე­ბი, ახ­ალ­გაზ­რდე­ბი, უმ­უშ­ევ­არი პი­რე­ბი, ხან­დაზ­მუ­ლე­ბი, ერ­ოვ­ნუ­ლი უმ­ცი­რე­სო­ბე­ბი, ე. წ. თურ­ქი მეს­ხე­ბი, მიგ­რან­ტე­ბი და სხვ. მი­სი კვლე­ვე­ბის სა­ფუძ­ველ­ზე არა­ერ­თი სო­ცი­ალ­ური პროგ­რა­მა გან­ხორ­ცი­ელ­და, რა­მაც დი­დი რო­ლი შე­ას­რუ­ლა სო­ცი­ალ­ური პრობ­ლე­მე­ბის შემ­ცი­რე­ბი­სა და მოწყვლა­დი ჯგუ­ფე­ბის მდგო­მა­რე­ობ­ის გა­უმ­ჯო­ბე­სე­ბა­ში. საქართველოს დამსახურებული არქიტექტორის ლონგინოზ სუმბაძის შვილი. სო­ცი­ალ­ური ფსი­ქო­ლო­გი­ის მეც­ნი­ერ­ებ­ათა დოქ­ტო­რი.

წყარო: Scientist Women – მეცნიერი ქალი: geowomen.wordpress.com; ივანე ჯავახიშვილის სახელობის თბილისის სახელმწიფო უნივერსიტეტი: tsu.ge

• მიკრო და მაკრო ფაქტორების გავლენა შშმ პირთა სამუშაო გარემოსთან ადაპტაციასა და შრომით ეფექტურობაზე : კვლევის ანგარიში. ნაწ. 2, შშმ მქონე პირთა სამუშაო გარემოსთან ადაპტაციის თავისებურებები: შშმ პირების, დამსაქმებლებისა და სფეროს ექსპერტების დამოკიდებულებები : თვისებრივი კვლევა (ავტორი). - თბილისი, თსუ გამ-ბის სტამბა, 2015. - 134გვ.
• ქალთა მიმართ ძალადობისა და ოჯახში ძალადობის აღქმა თბილისში, კახეთსა და სამეგრელო-ზემო სვანეთში : კვლევა (ავტორი). - თბილისი, 2014. - 66გვ.
• სამოქალაქო ჩართულობის დეტერმინანტები და შედეგები = Determinants and consequences of civic participation (ავტორი). - თბილისი, 2013. - 368გვ.
• სოციალური მეცნიერებები და სამოქალაქო საზოგადოება (ავტორი). - თბილისი, 1999. - 54გვ.