როზა გაფრინდაშვილი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფილოსოფია-ფსიქოლოგიის ფაკულტეტი 1964 წელს.

უნივერსიტეტის  დამთავრების შემდეგ, სწავლა გააგრძელა ამავე ფაკულტეტის ასპირანტურაში; იკვლევდა ზნეობის ფსიქოლოგიურ პრობლემებს; ასპირანტურაში სწავლის პერიოდში (1965-1968) მოამზადა და 1968 წელს დაიცვა დისერტაცია თემაზე "მორალურისა და ფსიქიკურის ურთიერთობის საკითხისათვის", რომელიც 1973 წელს გამომცემლობა "საბჭოთა საქართველომ" წიგნად გამოსცა; 1968-1980 წლებში იყო თბილისის სახელმწიფო უნივერსიტეტის ფილოსოფია-ფსიქოლოგიის ფაკულტეტის დოცენტი, ლექციებს კითხულობდა ეთიკაში, ხოლო 1980 წლიდან იყო საქართველოს ტექნიკური უნივერსიტეტის სოციალურ მეცნიერებათა დეპარტამენტის ასოცირებული პროფესორი, უძღვებოდა  შემდეგ სალექციო კურსებს: ფილოსოფია და ეთიკა, სამედიცინო ეთიკა, პიარი და ეთიკა, ფსიქოლოგიის ზოგადი საკითხები, სოციალური ფსიქოლოგია, სასამართლო ფსიქოლოგია, ვერბალური კომუნიკაციების ფსიქოლოგია, კონფლიქტის ფსიქოლოგია, რეკლამის ფსიქოლოგია, გამოყენებითი ფსიქოლოგია, სამედიცინო ფსიქოლოგია, ბავშვის ფსიქოლოგია, ბიზნესის ფსიქოლოგია; სხვადასხვა დროს თანამშრომლობდა ტექნიკური უნივერსიტეტის გამომცემლობასთან და ფინანსთა სამინისტროს გაზეთ "ფინანსებთან'; პარალელურად, ლექციებს კითხულობდა სხვადასხვა უმაღლეს სასწავლებლებში, აქტიურად მონაწილეობდა სამეცნიერო კონფერენციებში, იყო საქართველოს ტექნიკური უნივერსიტეტის ეთიკის კომისიის და სამეცნიერო-სადისერტაციო საბჭოს წევრი. ხანგრძლივი სამეცნიერო და პედაგოგიური საქმიანობისას რ. გაფრინდაშვილმა მოამზადა და გამოსცა სახელმძღვანელოები და დამხმარე სახელმძღვანელოები, მონოგრაფიები და ასზე მეტი სამეცნიერო სტატია. სოციალურ მეცნიერებათა კანდიდატი, ფსიქოლოგი. საქართველოს ტექნიკური უნივერსიტეტის ასოცირებული პროფესორი.

წყარო: Scientist Women – მეცნიერი ქალი: geowomen.wordpress.com

• გამოყენებითი ფსიქოლოგია : ლექციების კურსი (ავტორი). - თბილისი, ჩემი გამომცემლობა, 2023. - 214გვ.. - ISBN: 9789941982620
• ალტერნატიული ეთიკა და ფსიქოლოგია (ავტორი). - თბილისი, ჩემი გამომცემლობა, 2021. - 190გვ.
• ფსიქოლოგია ქართულ ფოლკლორში : ცრურწმენები ზღაპრებსა და თქმულებებში, ანეკდოტები, ანდაზები (ავტორი). - თბილისი, ივერიონი, 2014. - 216გვ.
• სოციალური ფსიქოლოგია : ლექციების კურსი (ავტორი). - თბილისი, ტექნიკური უნ-ტი, 2004
• ზნეობრივი აღზრდის ფსიქოლოგიური საფუძვლების შესახებ (ავტორი). - თბილისი, 1969. - 32გვ.