გია სურგულაძე

დაბადების ადგილი: ქ. გორი.

დაამთავრა საქართველოს პოლიტექნიკური ინსტიტუ­ტის (სპი) ავტომატიკისა და გამოთვლითი ტექნიკის ფაკულტეტი 1972 წელს.

1972-1973წწ. სპი-ს ახლადშექმნილი "მართვის ავტომატიზებული სისტემების" კათედრის უმცროსი მეცნიერ თანამშრომელი; 1974-1976წწ. ამავე კათედრის ასპირანტი (მეცნიერ ხელმძღვანელი პროფ. გოჩა ჩოგოვაძე); 1974-1975წწ. გერმანიის მაგდებურგის ტექნიკური უნივერსიტეტის მეცნიერ-სტაჟიორი გამოთვლითი ტექნიკის და მონაცემთა დამუშავების ფაკულტეტზე; 1976-1983წწ. სპი-ს მართვის ავტომატიზებული სისტემების კათედრის დარგობრივი სამეცნიერო ლაბორატორის უფროსი მეცნიერ თანამშრომელი; 1980 წელს დაიცვა დისერტაცია პეტერბურგის ელექტროტექნიკური ინსტიტუტის საწარმოო პროცესების მართვის ავტომატიზაციის სამეცნიერო საბჭოზე, თემა -  "მონაცემთა რელაციური ბაზების სტრუქტურის აგება მართვის საინფორმაციო სისტემისთვის"; 1983-1989წწ. საქართველოს მეცნიერებისა და ტექნიკის კომიტეტის სახალხო მეურნეობის მართვის ინსტიტუტის ხელმძღვანელ მუშაკთა კვალიფიკაციის ამაღლების სასწავლო პროცესის  უფროსი მეცნიერ თანამშრომელი, შემდეგ გამოთვლითი ტექნიკის კათედრის დოცენტი; 1990 წლიდან სტუ-ის მეცნიერ-დოქტორანტი; 1993 წლის აპრილში იცავს დისერტაციას ტექნიკის მეცნიერებათა დოქტორის ხარისხის მოსაპოვებლად თემაზე - "ავტომა­ტიზებული სამუშაო ადგილების ქსელის დაპროექტების ტექნოლოგია საწარმოო გაერთიანებისათვის"; 1995 წელს მიენიჭა პროფესორის წოდება; 2007 წლიდან "მართვის ავტომატიზებული სისტემების" მიმართულების ხელმძღვანელია, 2016 წლიდან კი "პროგრამული ინჟინერიის" დეპარტამენტის ხელმძღვანელი; 2006 წლიდან დააფუძნა სტუ-ის საერთაშორისო შრომების კრებული "მართვის ავტომატიზებული სისტემები" და დღემდე არის მისი პასუხისმგებელი რედაქტორი; 2010 წლიდან არის სტუ-ის "IT კონსალტინგის სამეცნიერო ცენტრის" უფროსი. სამეცნიერო ინტერესის სფერო: ინფორმატიკის (კომპიუტინგის) და კომპიუტერული მეცნიერების ახალი ინფორმაციული ტექნოლოგიების იმპორტი აშშ-ისა და ევროპის მოწინავე უნივერსიტეტებიდან, მართვის საინფორმაციო სისტემების აგებისა და განვითარების მეთოდოლოგიების შემუშავება, საქართველოში საინჟინრო და სამეცნიერო ახალგაზრდა კადრების მომზადება, ქართულენოვანი ლიტერატურული ბაზის შექმნა ინფორმატიკის (ციფრული ტექნოლოგიების) სფეროში; არის 400-ზე მეტი სამეცნიერო-პედაგოგიური შრომის ავტორი. კერძოდ, 1983-2024 წწ. გამოაქვეყნა 100-ზე მეტი წიგნი: 27 მონოგრაფია, 23 სახელ­მძღვანელო, 52 დამხმარე და მეთოდური სახელმძღვანელო. 40-ზე მეტი დაცული სადოქტორო დისერტაციის და მრავალი მაგისტრის მეცნიერ ხელმძღვანელი (ICT სფეროში). ტექნიკის მეცნიერებათა დოქტორი, პროფესორი.

წყარო: საქართველოს ტექნიკური უნივერსიტეტი: my.gtu.ge

• საერთაშორისო ინფორმატიზაციის აკადემია (გაერო-სთან არსებული, IIA), ნამდვილი წევრი (1994-)

• 1997 - ჟიული შარტავას სახელობის I-კონკურსის პრიზიორი, ტექნიკის დარგი
  ქართულენოვან ნაშრომთა ციკლისთვის ინფორმატიკის სფეროში

• კორპორაციის ავტომატიზებული სამუშაო ადგილების ქსელის აგების ტექნოლოგია : პირველი ქართული ERP სისტემა - 1990 : მონოგრაფია (ავტორი). - თბილისი, სტუ-ის "IT-კონსალტინგის სამეცნიერო ცენტრი", 2023. - 332გვ.. - ISBN: 9789941851094
• დაპროგრამების ჰიბრიდული ტექნოლოგიები და მონაცემთა მენეჯმენტი : WPF, WF, WCF & Ms SQL Server (ავტორი). - თბილისი, სტუ-ის "IT-კონსალტინგის სამეცნიერო ცენტრი", 2016. - 272გვ.. - ISBN: 9789941086922
• Web-აპლიკაციების ტესტირება, ვალიდაცია და ვერიფიკაცია : მონოგრაფია (ავტორი). - თბილისი, ტექნ. უნ-ტი, 2015. - 205გვ.. - ISBN: 9789941076824
• კორპორაციული მენეჯმენტის სისტემების Windows დეველოპმენტი : ლაბორატორიული პრაქტიკუმი (ავტორი) // ნაწ. 3, WCF ტექნოლოგია . - თბილისი, სტუ-ის "IT-კონსალტინგის სამეცნიერო ცენტრი", 2015. - 156გვ.. - ISBN: 9789941078781
• საწარმოო რესურსების მენეჯმენტის ბიზნესპროცესების მოდელირება და კვლევა : მონოგრაფია (თანაავტორი). - თბილისი, ტექნ. უნ-ტი, 2015. - 218გვ.. - ISBN: 9789941205576
• საინფორმაციო სისტემების მენეჯმენტის საერთაშორისო გამოცდილება (BSI, ITIL, COBIT) : დამხმ. სახელმძღვ. (თანაავტორი). - თბილისი, ტექნ. უნ-ტი, 2014. - 316გვ.. - ISBN: 9789941204586
• დაპროგრამების საფუძვლები : C ენის ბაზაზე (თანაავტორი). - თბილისი, ტექნ. უნ-ტი, 2009. - 151გვ.. - ISBN: 9789941143755
• მონაცემთა ბაზების მართვის სისტემები : ობიექტ-როლური მოდელირება-ORM : ლაბორატ. პრაქტიკუმი (თანაავტორი). - თბილისი, ტექნ. უნ-ტი, 2007. - 56გვ.. - ISBN: 9789994095537