ირინე ღამბაშიძე

დაამთავრა თბილისის სახელმწიფო უნივერსიტეტის ისტორიის ფაკულტეტი არქეოლოგის სპეციალობით 1983 წელს.

1976-1983წწ. იყო საქართველოს მეცნიერებათა აკადემიის არქეოლოგიური კვლევის ცენტრის ლაბორანტი; 1996 წელს მონაწილეობა მიიღო ორ მნიშვნელოვან საერთაშორისო არქეოლოგიურ ექსპედიციაში: ტროასა და ვანში (თურქეთი);  1983-2000წწ. იყო საქართველოს მეცნიერებათა აკადემიის არქეოლოგიური კვლევის ცენტრის უმცროსი, ხოლო 2003-2007წწ. უფროსი მეცნიერ-თანამშრომელი; 2004-2014წწ. იყო ბოხუმის რურის უნივერსიტეტის მიწვეული პროფესორი, სადაც კითხულობდა ლექციების კურსს - "საქართველოს არქეოლოგიასა" და "კავკასია ადრელითონების ხანაში"; 2007-2009წწ. იყო თბილისის სახელმწიფო უნივერსიტეტის ახალციხის ფილიალის ასოცირებული პროფესორი; მონაწილეობდა არაერთ არქეოლოგიურ ექსპედიციაში: 1983-1995წწ. იყო მესხეთის არქეოლოგიური ექსპედიციის უმცროსი მეცნიერ-თანამშრომელი; 1995-2001წწ. სამცხე-ჯავახეთის არქეოლოგიური ექსპედიციის ხელმძღვანელი; 2002-2007წწ. ბაქო-თბილისი-ჯეიჰანის მილსადენზე ბორჯომის არქეოლოგიური ექსპედიციის ხელმძღვანელი; 2011 წელს ილმაზლოს არქეოლოგიური ექსპედიციის არქეოლოგი; 2013 წელს ჯავახეთის სადაზვერვო არქეოლოგიური ექსპედიციის ხელმძღვანელი; 2014 წელს სამხრეთ კავკასიის მილსადენზე ორჭოსანის არქეოლოგიური ექსპედიციის ხელმძღვანელი; 2004-2014წწ. საყდრისის არქეოლოგიური ექსპედიციის ხელმძღვანელი; 2011 წელს იყო ქუთაისის არქეოლოგიური მუზეუმის საგამოფენო ექსპოზიციის პრეისტორიული ბლოკის კონცეფციის კოორდინატორი, ხოლო 2012 წელს ახალციხის სამცხე-ჯავახეთის ისტორიული მუზეუმის მუდმივი გამოფენის კოორდინატორი და სამეცნიერო ხელმძღვანელი; 2007 წლიდან არის საქართველოს ეროვნული მუზეუმის ოთარ ლორთქიფანიძის არქეოლოგიის ცენტრის უფროსი მეცნიერ-თანამშრომელია, ხოლო 2012 წლიდან საქართველოს ეროვნული მუზეუმის სამეცნიერო ლაბორატორიის ხელმძღვანელი. 1999 წელს დაიცვა საკანდიდატო დისერტაცია თემაზე: "სამცხე-ჯავახეთი ძვ.წ. II ათასწლეულის შუა ხანებში".

წყარო: ივანე ჯავახიშვილის სახელობის თბილისის სახელმწიფო უნივერსიტეტი: tsu.ge; Scientist Women – მეცნიერი ქალი: geowomen.wordpress.com

• გერმანიის არქეოლოგიის ინსტიტუტი, წევრ-კორესპონდენტი (2006-)

• Georgien : Schätze aus dem Land des Goldenen Vlies : Katalog der Ausstellung des Deutschen Bergbau-Museums Bochum in Verbindung mit dem Zentrum für Archäologische Forschungen der Georgischen Akademie der Wissenschaften Tbilissi vom 28. Oktober 2001 bis 19. Mai 2002 = საქართველო : განძეულობა ოქროს საწმისის ქვეყნიდან (რედაქტორი). - Bochum, 2001. - 472p.
• სამცხე ძვ. წ. II ათასწლეულის შუა ხანებში : ბორჯომის ხეობის არქეოლოგიური ძეგლების მიხედვით (ავტორი). - თბილისი, 1999. - 28გვ.