გიორგი რომელაშვილი

დაბადების ადგილი: სოფელი ერედვი, გორის რაიონი.

1991 წლიდან ერედვში მუდმივად დაძაბულობის დროს გიორგიმ პირველად იარაღი ხელში სოფლის საზღვრის დასაცავად აიღო, მაშინ ის ჯერ კიდევ პატარა იყო, თუმცა საზღვარზე მაინც მორიგეობდა. საკუთარ სოფელს და ოჯახს იცავდა მტრისგან. სავალდებულო სამხედრო სამსახური ახალციხეში მოიხადა, ერთი წლის შემდეგ თბილისში გადმოიყვანეს. სასაზღვრო დაცვის თანამშრომელი იყო, ორი წლის მერე ერედვში დაბრუნდა. 2004 წელს არეულობის დროს იარაღით ხელში საზღვარზე იდგა. 2006 წელს კონტრაქტი გააფორმა, გადაანაწილეს გორის ჯავშან-სატანკო ბატალიონის ასეულში, მსახურობდა დაზვერვაში. კაპრალი. (გიორგი ირაკლის ძე რომელაშვილი).

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010.-გვ.395

• 2008 - მედალი "მხედრული მამაცობისთვის" (გარდაცვალების შემდეგ)