პაატა კაჭარავა

დაბადების ადგილი: სოფელი ნაისაკოვო, აბაშის რაიონი.

დაამთავრა აბაშის ტექნიკუმი.

16 წლის უკვე აფხაზეთში იბრძოდა. სამშობლოსადმი განსაკუთრებულმა სიყვარულმა, მთელი ცხოვრება ქვეყნის დარაჯად აქცია. სავალდებულო-სამხედრო სამსახურის დასრულების შემდეგ თბილისში, სამთავრობო დაცვაში მსახურობდა. რამდენიმე წელი ოჯახში მეურნეობას მისდევდა. 1999 წლიდან კი, სპეციალური დანიშნულების სამხედრო დანაყოფი- "კომანდოს" შექმნის შემდეგ, სასწავლო-სამწვრთვნელო კურსები გაიარა და საკონტრაქტო სამსახურს მოაწერა ხელი. იყო  საქართველოს თავდაცვის სამინისტროს მესამე ქვეითი ბრიგადის 31-ე ბრიგადის ჯარისკაცი, კაპრალი. ISAF-ის სამშვიდობო მისიით მსახურობდა ავღანეთში. ქართველ თანამებრძოლებთან ერთად დაიღუპა სამხედრო ნაღმზე აფეთქების შედეგად ჰელმანდის პროვინციაში.

წყარო: გმირი, 2008-2018: ოთხოზორია-ტატუნაშვილი: 2008 წლის აგვისტოს ომში და სხვადასხვა მისიებში დაღუპული ქართველი ჯარისკაცების ისტორიები. - თბ.,2018.- გვ.288-289

• 2012 - ვახტანგ გორგასლის I ხარისხის ორდენი (გარდაცვალების შემდეგ)